Mkusanyiko wa Dini huko Misri ya kale ambapo Dini tatu hukutana

Eneo la Mkusanyiko wa Dini huko Misri ya Kale ni mojawapo ya maeneo muhimu zaidi ya kiakiolojia yaliyoko  katika mji mkuu wa Kairo, ambapo watalii wengi kutoka nchi mbalimbali Duniani hufikia huko kuona maeneo ya kihistoria na kidini, ambayo hukupeleka kwenye safari ya enzi na nyakati zilizopita, huku kuta hushuhudia vipindi vikubwa vya historia ya Misri.

Mkusanyiko wa Dini katika Misri ya kale uko karibu na ngome ya kiakiolojia ya Babeli, na unajumuisha Msikiti wa Amr Ibn Al-Aas, kanisa la Al-muealaqa , na hekalu la Kiyahudi la Ben Azra  na makanisa mengine kadhaa kati yao: kanisa na pango la Mary Gerges, Kanisa la Bikira Mariam na pango takatifu na kisima kitakatifu, Makao ya Watawa wa kike, na kanisa la Mtakatifu Barbara.

Ngome ya Babylon

Ngome ya Babylon ni mabaki ya mji wa kirumi wa Trajan, uliojengwa na Mfalme wa Kirumi Trajan mnamo 80 BK, na ilitumiwa katika ujenzi wa ngome mawe yaliyochukuliwa kutoka kwa mahekalu ya zamani ya Mafarao, na baina ya minara miwili ya ngome hiyo kuna mlango unaojulikana kama  mlango wa” Amr” ambapo inasemekana kuwa ni mlango ambao “Amr Ibn Al-Aas” aliingia wakati wa kufungua ngome hiyo na kuingia Misri .Na Ngome ya Kirumi inajulikana kama Jumba la Mishumaa  au Ngome ya Babylon.

Msikiti wa Amr Ibn Al-Aas

Moja ya misikiti ya kwanza kujengwa huko Misri na Afrika zima, tena ni miongoni mwa  misikiti maarufu zaidi ya Misri, unatembelewa na watu kutoka pande zote za Misri, kwa sababu ya tabia yake ya kiroho na ya kidini. Ulianzishwa na Sahaba mkubwa” Amr Ibn “Al-Aas katika mwaka wa 21Hijiria, unaolingana na 641 AD baada ya kufungua Misri katika mwaka wa 20 Hijiria, unaolingana na 640 AD. kwa amri ya Khalifa wa Waislamu Omar Ibn Al- Khattab.

Ukuta wa Magra Al-Oyoun

Ni mojawapo ya alama muhimu zaidi za jiji la Kiislamu la Kairo. Ulijengwa na Sultan wa Ghouri karibu miaka 800 iliyopita na lengo la ujenzi wake lilikuwa kupanua Ngome ya Salah Al-Din kwa maji kwa kuinua maji ya Mto Nile kupitia mifereji hadi kwenye mkondo wa ukuta, ili maji yatiririke hadi kufikia ngome, kwa sababu ngome ilikuwa makao Makuu ya utawala wa Misri tangu enzi ya Ayubi.

Makumbusho ya Kikoptiki

Makumbusho ya Kikoptiki yapo ndani ya kuta za ngome maarufu ya Babilion huko Misri ya kale, ambayo ni moja ya Makaburi maarufu na makubwa ya Milki ya Kirumi huko Misri.  Makumbusho  yalianzishwa mwaka 1908, kwa juhudi za Morcos Semeika Pasha ambaye ni mmoja wa watu mashuhuri wa Kikristo na alikuwa na nia ya kuhifadhi urithi wa Kikoptiki. Na makumbusho yalifunguliwa mwaka 1910, na eneo lake lote pamoja na bustani na ngome ni karibu 8000m. Na yaliendelezwa na mabawa yake ya zamani na mapya, pamoja na Kanisa la Al-muealaqa, na yalifunguliwa baada ya hapo mwaka 1998AD.

Makumbusho ya Kikoptiki hujumuisha  mkusanyiko mkubwa zaidi wa Makaburi ya kale ya Kikoptiki Duniani. Mkusanyiko wa Makaburi ya kale katika Makumbusho huonesha historia ya Kikoptiki kutoka mwanzo wake wa kwanza huko Misri hadi ukuaji wake kama kituo cha kuongoza cha Ukristo ulimwenguni. Makaburi yaliyo kwenye Makumbusho yaonyesha mchanganyiko wa sanaa ya Kikoptiki na tamaduni kuu ikiwa ni pamoja na Farao, Kigiriki, Kirumi, Byzantine na Ottoman, na maendeleo yao kuwa na utu na utambulisho wao wenyewe.

makumbusho pia hujumuisha mkusanyiko wa Hati zilizopambwa vizuri, sanamu, kazi za mbao zilizochongwa kwa uangalifu,na michoro ya ukutani (fresco) iliyopambwa kwa  mandhari za kidini na  ziliyobaki kutoka kwa makao ya Watawa na makanisa ya kale.

Kanisa la Al-Muealaqa

Kanisa hilo ni mojawapo ya Makaburi ya kale zaidi ya Kikoptiki huko Misri, ambalo lina mtindo wa usanifu wa nadra sana ambao hufanya liwe mojawapo ya makanisa mazuri zaidi Mashariki ya Kati. Pia ni makao ya kwanza ya kiongozi wa kanisa huko Kairo.

Sababu ya kuitwa “Kanisa la Al-Muealaqa” ni kutokana na ujenzi wake juu ya minara miwili ya minara ya zamani ya ngome ya Kirumi inayojulikana kama “ngome ya Babelion”, ngome hiyo iliyojengwa wakati wa utawala wa Mfalme Trajan katika karne ya pili.Kanisa pia lilijengwa kwa urefu wa mita 13 kutoka uso wa ardhi na kwa eneo la mita 23 urefu wa mita 18.5 upana wa mita 9.5 na urefu wa mita. Kanisa lilijengwa mwishoni mwa karne ya nne na mapema karne ya tano. Ina umbo la mstatili, na ina mtindo wa basilica unaojumuisha  mabawa matatu na muundo uliogawanywa katika sehemu tatu ambazo ni, sahani kuu na mabawa mawili madogo.ikiwa ni pamoja na nguzo 8 kila upande wa kanisa.

Kanisa lina majengo matatu kutoka upande wa mashariki, jengo la kulia linaitwa ” Mtakatifu Yohana Mbatizaji “, la kushoto linaitwa ” Mtakatifu Mary Gerges “, na la kati linaitwa ” Mtakatifu Mariamu Bikira “, pamoja na kundi la taji za nguzo ambazo zina sifa ya mtindo wa ” Korintho”, ni mtindo wa nguzo ya mapambo uliotengenezwa Ugiriki ya kale.

Kanisa hilo linachukuliwa kuwa makao ya kwanza ya mapadri huko Kairo, na sherehe nyingi kuu za kidini za Kikristo zilifanyika huko. Labda kile ambacho kanisa hili ni maarufu ni sanamu zilizosambazwa kwenye kuta zake, ambazo ni sawa na sanamu 90.

Kanisa la Al-Muealaqa lilishuhudia shughuli za kwanza wa ukarabati mnamo 1998 BK, na ukarabati wa kanisa ulijumuisha matibabu ya athari zilizotokana na kuongezeka kwa kiwango cha maji ya chini ya ardhi, pamoja na ukarabati wa sanamu za kanisa na Michoro ya ukuta.

Kanisa la Abi Sefein

liko kaskazini mwa Ngome ya Babilion, na kanisa liliharibiwa mnamo karne ya nane BK, na kanisa dogo likabaki kwa jina la Watakatifu Yohana Mbatizaji na Yakobo.na wakati wa Khalifa wa Fatimid Al-Muizz li Din Allah, kanisa lilirekebishwa, kisha likachomwa moto mnamo 1868 AD.

Kanisa la Mtakatifu Barbara

Historia ya kanisa hili inaanzia karne ya nne na tano AD, na liko ndani ya makao ya watawa ya MarGerges. Kanisa hilo linahusishwa na  Mtakatifu Barbara ambaye aliuawa na mwanawe baada ya kubadili dini na kuwa Mkristo.

Kanisa la Margerges

liko katika ngome ya Kirumi ya Babylon karibu na kituo cha metro cha Margerges, kanisa hili lilikuwa mojawapo ya makanisa mazuri zaidi ya ngome ya Kirumi, na kulingana na vyanzo vingine lilijengwa na mwandishi tajiri “Athanasius” karibu mwaka wa 684 WK, na kwa sasa kitu pekee kilichobaki kutoka kwa kanisa la kale ni ukumbi wa mapokezi unaojulikana kama “ukumbi wa harusi” iliyoanzia karne ya 14.

Kanisa la Qasriyat Al-Rayhan

Kanisa la Qasriyat Al-Rayhan liko kwenye eneo la  Bani Hassin huko Kom Garab katika eneo la Misri ya kale,Kanisa hili linajulikana katika historia kama Kanisa la Bikira Maria, Kanisa hilo lina urefu wa mita 16, upana wa mita 14, na kimo cha mita 10, na sahani yake imefunikwa na kuba za matofali zilizowekwa juu ya nguzo za marumaru zenye kupendeza.

Hekalu la Kiyahudi (Hekalu la Ben Ezra)

Hekalu la Kiyahudi liko mwishoni mwa eneo la makanisa ya Kikoptiki katika Misri ya kale huko Fustat, na hekalu lilikuwa kimsingi kanisa linaloitwa “Kanisa la Al-Shamain ” na liliuzwa na kanisa la Kiorthodoksi kwa Jumuiya ya Kiyahudi wakati lilipitia shida za kifedha kutokana na ongezeko la kodi lililowekwa wakati huo, na Hekalu lilipewa jina hili kuhusiana na”Ezra mwandishi” mmoja wa wahamishwa wa makuhani wa Wayahudi.

Vyanzo

Tovuti ya Wizara ya Utalii na Mambo ya Kale ya Misri.

Tovuti ya Mkoa wa Kairo.