فيه ناس لما تتعامل معاها وتدرك قيمة وجودها ودورها في الحياة وبين الناس تشعر بالراحة والطمأنينة.
فيه واحد لما تشوف الناس بتجمع وتتفق على قيمته ومحبته فيما يشبه الاجماع في قلوب الناس تجاه هذا الإنسان الرائع تتأمل مفردات المشهد وأنت تبتسم بكل الرضا وتتابع تفاصيل وأنواع الحب المختلفة أمام كل المشاهد دي كلها وبكل تفاصيلها تشعر بالراحة وتشعر بالطمأنينة تشعر بالراحة والهدوء علشان الناس اللي زي كده بتخليك دايما تتأكد أن الدنيا مهما كانت صعوبتها وقسوتها ومهما شفت وقابلت فيها من نماذج وأشكال سوداوية لكن تيجي صورة الدكتور محمد سلامة بكر ووجوده في حياتنا وبين الناس علشان تعمل عندنا حالة من التوازن النفسي تحقق عندك حالة من اليقين المؤكد أن بالفعل الدنيا بخير وان الناس اللي زي دي ربنا أوجدها بين الناس بهذه الخصائص والصفات من الحب والتعايش مع عمل الخير ومع كل الناس علشان يبعت لك رسائل يطمنك بيها ان ربنا دايما موجود وليه ناس من عباده اختصهم بقضاء مصالح وحوائج الناس والتخفيف عنهم ومساعدتهم في أي وقت وفي كل وقت
لما تتأمل محبة الناس للدكتور محمد سلامة بكر وإجماع الناس كلها عليه في مدى حبه وتقديره ومساعدته لكل الناس لازم تفكر وتتأمل أن ربنا سبحانه وتعالى بيوجد الناس الطيبة والمحبة دي علشان كل الناس تقدر تقاوم وتصمد أمام نماذج الأنانية وأصحاب الأمراض النفسية اللي ممكن توجد لدى بعض الناس واللي ممكن تقابلهم في حياتك اليومية ومن الممكن أنهم يضيعوا ويفسدوا عليك أوقاتك وأيامك
لما تشوف الدكتور محمد سلامة بكر في أي مكان في فرح في عزاء في أي مناسبة وتشوف تسابق الناس على انهم يسلموا عليه بمودة وصدق ومحبة خالصة نقية وصافية لازم تقف وتتأمل ملامح الصورة دي كويس جدا وبكل التفاصيل وتسأل نفسك هو ايه السر في الحب المتدفق والجارف بينه وبين الناس يا ترى ايه السر في كل هذا الحب والتقدير بين ذلك الرجل وبين كل الناس وعموم الناس
تسأل نفسك سؤال كيف امتلك هذا الرجل قلوب الناس وتاتيك الإجابة ببساطته وتواضعه وقربه الشديد منهم وحرصه الدائم على خدمة ومساعدة الناس
هو حب الناس فيه أسرار
أكيد حب الناس لشخص معين بصدق وإخلاص من محبة الله سبحانه وتعالى
وأسرار الحب من أسرار الله يضعها ويلقيها في قلوب عباده كيفما شاء
حب الناس رزق من الأرزاق اللي بيقسمها ربنا بين عباده ومتقدرش تحب حد غصب عنك ولا تخلي حد يحبك غصب عنه علشان نصيبك ورزقك من الحب والقبول بين الناس
تتأمل وتفكر كيف لرجل يملك ابتسامة صافية ووجه بشوش وقلب كبير يسع الناس بل كل الناس لم يتأخر عن أحد ولم يرفض طلبا لأحد تتصل به في أي وقت وتطلب منه ما تشاء ويقابل طلبك بكل مودة ومحبة واحترام
كل من يقابله يشعر بالمودة الجارفة وكل من يتعامل معه يشعر بالقرب الراقي المخلص النقي الصادق
الدكتور محمد سلامة بكر شكرا على وجودك بين الناس
شكرا على وجودك بينا
