Uzinduzi wa “Kituo cha Afrika cha Mafunzo na Kujenga Uwezo katika uwanja wa Kukabiliana na Mabadiliko ya Hali ya Hewa” kwa kutoa kozi maalum za mafunzo ya kuwahudumia ndugu zetu wa Afrika

Dkt. Hany Sweilam, Waziri wa Rasilimali za Maji na Umwagiliaji, alimpokea Bi. Nardos Bekele, Mkurugenzi Mtendaji wa Shirika la Maendeleo la Umoja wa Afrika (NEPAD), na Balozi Ashraf Sweilam, Waziri Msaidizi wa Mambo ya Nje na Mkurugenzi wa Idara ya Mashirika na Vikundi vya Afrika.

Katika mkutano huo, Dkt. Sweilam alikagua njia za kuimarisha ushirikiano wa pamoja kati ya Wizara ya Maji na Umwagiliaji na NEPAD katika uwanja wa usimamizi wa rasilimali za maji, kujenga uwezo wa wafanyakazi katika uwanja wa kutathmini na kufuatilia mfumo wa maji, na hatua za kuimarisha ushirikiano kati ya nchi mbalimbali za Afrika chini ya mwavuli wa Baraza la Mawaziri wa Maji wa Afrika (AMCAO), haswa hatua za kukabiliana na mabadiliko ya tabianchi katika sekta ya maji.

Dkt. Swailem alisisitiza kuwa kutokana na ongezeko la mabadiliko ya tabianchi yanayoshuhudiwa na nchi nyingi duniani, ni muhimu kuchukua hatua madhubuti kukabiliana na mabadiliko ya tabianchi katika ngazi ya kimataifa kwa ujumla na bara la Afrika hasa ambalo ndilo linaloathirika zaidi na mabadiliko ya tabianchi, ingawa ni jambo ambalo halisababishi mabadiliko hayo, akiashiria juhudi za Misri za mara kwa mara kuchukua hatua kubwa katika uwanja wa kuhamasisha msaada wa kimataifa ili kubadilisha ahadi za kimataifa katika uwanja wa hali ya hewa kuwa hatua na miradi ya kukabiliana na mabadiliko ya tabianchi itakayotekelezwa ardhini. Hii ilioneshwa katika mafanikio yaliyopatikana na Misri wakati wa shughuli za mkutano wa mwisho wa hali ya hewa wa COP27 na wiki ya tano na sita ya Maji ya Kairo.

Alitaja juhudi zinazoendelea za Misri za kushirikiana na ndugu mbalimbali wa Afrika katika uwanja wa kukabiliana na mabadiliko ya hali ya hewa chini ya mwavuli wa urais wa sasa wa Misri wa Baraza la Mawaziri wa Maji wa Afrika (AMCAO).

Alisisitizia umuhimu wa kutoa mafunzo muhimu kwa wafanyakazi wa maji ili kuongeza uwezo wao wa kiufundi katika uwanja wa kukabiliana na mabadiliko ya hali ya hewa, akibainisha kuwa Misri ilizindua “Kituo cha Afrika cha Mafunzo na Kujenga Uwezo katika uwanja wa kukabiliana na Mabadiliko ya Hali ya Hewa” Juni mwaka jana ili kutoa kozi maalum za mafunzo ambazo zinahudumia ndugu zetu wa Kiafrika.

Ikumbukwe kuwa Misri inashikilia uenyekiti wa sasa wa NEPAD mnamo kipindi cha 2023-2025, inayowakilisha mkono wa maendeleo wa Umoja wa Afrika.