Vikosi vya Silaha vya Misri vyaandaa kozi ya mafunzo kwa wageni kadhaa kutoka nchi za Afrika
Katika kuendeleza jukumu la Misri katika kusaidia usalama na utulivu ndani ya Bara la Afrika, Jeshi kwa kushirikiana na Wizara ya Mambo ya Nje, liliandaa kozi ya mafunzo kwa makada kadhaa wa Afrika wakiongozwa na vikosi vya ulinzi wa mipaka.
Kozi hiyo ni pamoja na kufanya mihadhara mingi juu ya mada zinazohusiana na usalama wa mpaka, mifumo ya kisasa ya ufuatiliaji, utafutaji na uokoaji, usalama wa mtandao, huduma ya kwanza na mifumo ya habari ya kijiografia “GIS”, kozi hiyo inalenga kuboresha ujuzi na uwezo wa washiriki wa kozi na kuongeza uwezo wao wa kutekeleza kazi maalumu walizopewa katika nchi zao ndugu na rafiki.
Mwishoni mwa kikao, Meja Jenerali Mohamed Ezz El-Din Jahoush, Kamanda wa Vikosi vya Ulinzi wa Mpakani, alitoa hotuba ambapo alitoa salamu na shukrani za Jenerali Mohamed Zaki, Amiri Jeshi Mkuu wa Majeshi, Waziri wa Ulinzi na Uzalishaji wa Kijeshi, na Luteni Jenerali Osama Askar, Mkuu wa Majeshi ya Jeshi, akionesha nia ya Mkuu wa Majeshi kuandaa kozi kama hizo ili kuonesha nguvu ya mahusiano ya Misri na Afrika.
Makada kadhaa mashuhuri wa Afrika waliheshimiwa kwa mahudhurio ya makamanda kadhaa wa majeshi ya Misri, wawakilishi wa Wizara ya Mambo ya Nje na vikosi vya kijeshi vilivyoidhinishwa na nchi za Afrika.
