Dkt. Sweilam akutana na Waziri wa Uvuvi na Rasilimali za Maji wa Guinea ya Ikweta

Prof. Hany Sweilam, Waziri wa Maji na Umwagiliaji, alikutana na Bw. Francisco Catalan, Waziri wa Uvuvi na Rasilimali za Maji wa Guinea ya Ikweta.

Dkt. Sweilam alisisitiza msaada wa kudumu wa Misri kwa Jamhuri ya Guinea ya Ikweta katika nyanja mbalimbali za usimamizi wa maji kwa kuzingatia nia ya Misri ya kuimarisha Ushirikiano na nchi mbalimbali za Afrika, haswa wakati wa urais wa sasa wa Baraza la Mawaziri wa Maji wa Afrika (AMCAO).

Aliongeza kuwa kutokana na uwekezaji dhaifu unaozikabili nchi nyingi za Afrika katika nyanja ya kukabiliana na mabadiliko ya tabianchi, yanayoathiri vibaya sekta ya maji, Misri ilizindua mpango wa AWARe kwa kushirikiana na Shirika la Hali ya Hewa Duniani wakati wa mkutano wa COP27, unaolenga kutoa fedha zinazohitajika kukabiliana na changamoto za maji na hali ya hewa na kutoa mafunzo muhimu kwa wataalamu wa maji kukabiliana na mabadiliko ya hali ya hewa, akitoa wito kwa Guinea ya Ikweta kuunga mkono mpango huo muhimu.