Waziri Mkuu azungumzia njia za kuendeleza mauzo ya Misri kwenda Afrika
Waziri Mkuu Dkt.Mostafa Madbouly alifanya mkutano kujadili njia za kuendeleza mauzo ya nje ya Misri kwa Afrika, kwa mahudhurio ya Waziri wa Ugavi na Biashara ya Ndani Ali El Moselhy, Waziri wa Usafiri Luteni Jenerali Kamel El Wazir, Waziri wa Sekta ya Biashara ya Umma Mahmoud Esmat na Waziri wa Biashara na Viwanda Ahmed Samir.
Wakati wa mkutano huo, Luteni Jenerali Kamel Al-Wazir aliwasilisha dira ya Wizara ya Uchukuzi kuendesha njia za usafirishaji wa mara kwa mara kusafirisha bidhaa na bidhaa za chakula kwenda nchi za Afrika, ambapo alisisitiza utayari wa kusafirisha bidhaa yoyote kwenda Afrika, akisema: Tuna mikataba na meli kubwa zaidi Duniani, na kuna uratibu na Waziri wa Biashara na Viwanda, na Baraza la Usafirishaji wa Mazao ya Kilimo, na niliwahakikishia kuwa wizara iko tayari kusafirisha bidhaa yoyote kwenda nchi za Afrika, na meli 3 pia zimepewa mkataba wa kusafirisha nafaka na mizigo ya jumla kwenda Bara la Afrika.
Kwa upande wake, Waziri Mkuu alimwagiza Waziri wa Biashara na Viwanda kufanya mkutano mbele ya Waziri wa Uchukuzi, unaojumuisha viongozi wa mabaraza yote ya usafirishaji nje ya nchi, ili waeleze juhudi zinazofanywa na Serikali katika kutoa njia za kusafirisha bidhaa kwenda nchi za Afrika.
Mkutano huo pia ulipitia maoni ya Wizara ya Ugavi na Biashara ya Ndani kuendeleza sekta ya kusaga ambapo Dkt. Ali Al-Moselhy alizungumzia juhudi za wizara katika kuendeleza na kuongeza ufanisi wa viwanda kadhaa vya kusaga unga nchi nzima, pamoja na jukumu la wizara katika kutoa ngano kwa ajili ya usambazaji na mifumo huru ili kukidhi mahitaji ya wananchi.
