Rais El-Sisi akutana na mwenzake wa Zambia
Mheshimiwa Rais Abdel Fattah El-Sisi alikutana jana na Rais Hakinde Hichilema wa Jamhuri ya Zambia, wakati wa ziara ya Rais El-Sisi nchini Zambia, ambapo pia anashiriki katika mkutano wa COMESA.
Mshauri Ahmed Fahmy, Msemaji Rasmi wa Urais wa Jamhuri ya Misri, alisema kuwa Rais Hichilima alikaribisha ziara ya Rais huko Lusaka, akisifu mafanikio yaliyopatikana na urais wa Misri wa COMESA mnamo kipindi kilichopita, akisisitiza nia ya nchi yake kuendeleza uhusiano wa ushirikiano na Misri ndugu, na kuwasukuma kuelekea upeo mpana wa kazi ya pamoja, pamoja na kuendelea kushauriana na Misri juu ya masuala na changamoto zinazokabili Afrika, hasa kwa kuzingatia jukumu la Misri linaloongoza pamoja na Uongozi wa Rais katika ngazi ya Afrika, na juhudi zake za kuendeleza mchakato wa Maendeleo na kudumisha Amani na Usalama Barani Afrika.
Kwa upande wake, Rais amesisitiza azma ya Misri ya kuimarisha mahusiano ya kihistoria kati ya nchi hizo mbili, kuamsha mifumo ya ushirikiano wa pamoja katika nyanja mbalimbali, haswa kuhusiana na kuongeza biashara ya kubadilishana, kuchunguza fursa za uwekezaji wa pamoja, ili kufikia maslahi ya pamoja, pamoja na kuendelea kutoa vipengele mbalimbali vya msaada na kujenga uwezo kwa ndugu nchini Zambia, pamoja na kuratibu masuala ya kanda na bara la Afrika, akielezea matakwa yake ya dhati kwa kaka yake, Rais Hatishelema, kwa mafanikio katika kuongoza mkutano wa COMESA na kuendelea kufanya kazi ili kuendeleza mifumo ya ushirikiano wa pamoja ndani yake mnamo kipindi kijacho.
Msemaji huyo aliongeza kuwa mkutano huo ulijadili njia za kuimarisha mahusiano ya nchi hizo mbili katika ngazi mbalimbali, ambapo ilikubaliwa juu ya umuhimu wa kuanzisha utaratibu uliopo wa ushirikiano kati ya pande hizo mbili, pamoja na kufanya kazi ya kuendeleza uhusiano wa kiuchumi na kubadilishana biashara kati ya nchi hizo mbili, na kusaidia juhudi za maendeleo ya kiuchumi nchini Zambia, haswa katika uwanja wa maendeleo ya miundombinu kupitia utaalamu unaopatikana kwa makampuni ya Misri katika uwanja huo, pamoja na kuongeza ushirikiano katika sekta za kilimo, mifugo, ufugaji wa samaki na afya.
Mazungumzo hayo pia yalishughulikia maendeleo ya hivi karibuni ya kikanda katika ngazi ya bara, pamoja na faili muhimu zaidi kwenye Ajenda ya COMESA, haswa kuhusiana na kuimarisha juhudi zilizopo za kufikia ushirikiano wa kiuchumi na kikanda, ambapo pande hizo mbili zilikubaliana juu ya umuhimu wa kuendelea kufanya kazi kutekeleza malengo ya maendeleo katika nyanja mbalimbali zilizoainishwa katika Ajenda ya Maendeleo ya Afrika 2063, pamoja na kuzingatia utekelezaji wa miradi ya bara inayowakilisha kipaumbele kwa nchi za Afrika, pamoja na kuimarisha mifumo ya Afrika ya ujenzi na maendeleo ya baada ya mgogoro, na kuimarisha Juhudi katika uwanja wa kupambana na ugaidi na msimamo mkali, na kusaidia Usalama na Utulivu Barani Afrika.
