قال الرئيس عبدالفتاح السيسي، إن الإعلام لم يغطي ما تم إنجازه، كما يجب أن يكون.
وأضاف الرىيس السيسي خلال كلمته بمؤتمر حكاية وطن قبل قليل: هتيجي أتوبيسات تاخد الناس ونطلع ونشوف، ما أنتم مش عاوزين تجيبوها في الإعلام كويس.. وجايبين وزارة التموين باليافطة التعبانة الخربانة آسف.. أنتم حلمكم يا مصريين أكبر من كده.. وإوعوا يكون حلمك لقمة.
واستطرد الرئيس: أنت بس مش بتحارب إرهاب أنت عندك أبواق كذب وافتراء وشائعات شغالة تقدح في كل مسار تعمله، أنت كمان مش محل تقديرمن ناسك اللي أنت بتعمل لأجل ربنا وخاطرهم، وكمان وأنت بتعمل كدة بيتم الإساءة لك ولمسؤوليك ولأسرهم، ولكن لا بأس لأن مفيش حاجة بتروح عند ربنا كل إساءة ليها عقاب، واللي هيحاسب ربنا اللي لا يغفل ولا ينام.
وتابع الرئيس السيسي: إحنا نؤمن بالله وإن في يوم آخروإن ربنا هيحاسب، وكل تفاصيل المكر اللي اتعملت على مصر خلال 10 سنوات الماضية اللي كانت امتداد لحالة من عدم الثقة للإنسان المصري، وتبقى جزء من الشخصية المصرية أن تكون غير واثقة في نفسها أو بلدها
