أحمد فرحات: اتمنى العودة للتمثيل..ومبحبش النجوم اللي بتعمل استغاثات على السوشيال ميديا

كشف الفنان أحمد فرحات عن رغبته في العودة إلي التمثيل مرة أخري، كنوع من الاحتياج الفني وليس المادي.

وأضاف أحمد فرحات في تصريحات تليفزيونية لبرنامج المنسي المذاع عبر قناة هي الذي تقدمه الإعلامية انجي هشام :’ أي دور هعمله هضيفله لوني ومن خبرتي القديمة علشان يطلع حلو، على سبيل المثال جابوني في مسلسل العيلة دي وقالولي مشهد خمس دقايق، روحت لقيت الكلام مش عاجبني روحت ضيفتله من عندي، أنا قادر على إني اعمل حاجة هادفة.

وعن سبب أجره الضعيف في العمل قال:’ أخدت أجر وكل حاجه بس مبطلبش أجور كبيرة لأني محتاج الفن مش الماديات.

تابع :’ عمري ما كلمت فنان قولتله شوفلي دور أنا معملتهاش وانا صغير، واتخطفت في السينما، أنا لو لفيت على شركات إنتاج هشتغل لكن عمري ما أعملها لاني الحمدلله مش محتاج

وأشار إلي أنه لا يفضل استغاثات النجوم على السوشيال ميديا:’ مينفعش الفنان يطلع يقول أنا كنت بقسم علبة كشري مع ابني، لأنك راجل فنان واللي بيتفرج عليك تعبان ونفسه يشوف حاجه حلوة ليه يتنكد عليه.