محمد فؤاد مهاجمًا “محمد هنيدي”: عملته الإفيهات والالتزام.. هغير منك! عيب اتقي الله”

استنكر الفنان محمد فؤاد، التصريحات التى قالها الفنان محمد هنيدى حول الغيرة التى وجدها من فؤاد عقب نجاح “هنيدي” بعد فيلم “إسماعيلية رايح جاى”.

وأضاف “فؤاد”، خلال حواره مع الإعلامية بسمة وهبة مقدمة برنامج “العرافة”، على قناة “المحور”، وقناة “النهار”، :” أنا كنت بكتب الافيهات بإيدى عشان يضحك الناس.. أنا مش بغير من حد، ولا يوجد ما أغير منه..واللي يغير من صحابه عنده نقص.. الموضوع كرهني في إسماعيلية رايح جاي لأنه خلق حالة من الكرهة ولقيت حروب نجوم، لمين اللي يتم الإنتاج ليه، وغيره.. مقدرش أهاجم هنيدي”.

وواصل قائلًا:”أنا أغير منك انت يا هنيدى.. عيب إتقى الله ده انت هتتسأل قدام ربنا على كل ده.. أنا كنت بصحيه من النوم عشان التصوير، وهنيدى عرف الالتزام لما أنا زعلت منه عشان يلتزم”.