شارك الفنان حمزة نمرة، جمهوره ومتابعيه صورة له برفقة والده الراحل، وأهداه أغنيتة التى طرحها مؤخرا «مرايات». نظرا لاحترافه فن الرسم ولكنه كان يعمل طبيبا.
وكتب حمزة نمرة عبر حسابه بموقع التواصل الاجتماعي “إنستجرام”: “أنا فاكر الصورة دي. كانت في عيد ميلادي وبابا الله يرحمه كان جايب لي هدية، أنا كنت عايز الموقف يعدي بسرعة ومحرج واخواتي بيصوروني وبابا بيديني الهدية وهو حاضنّي”.
أضاف: “لما شوفت الصورة دلوقتي لقيتني بقول لنفسي ياريتك كنت مركز أكتر من كده في اللحظة دي. وعرفت تعبر عن المحبة اللي جواك للي حواليك”.
وتابع: “: “بابا كان من صغره فنان وبيحب الرسم، كان نفسه يطلع رسام، لما خلص ثانوية عامة. مجموعه كان يدخله كلية طب القاهرة، لكن هو كان عايز يدخل فنون جميلة.. كل عيلته وقفوا ضده وأقنعوه إن القرار الصح إنه يدخل طب ويأجل الفن شوية لحد ما يخلّص، طبعًا اتخرج من الطب وما دخلش فنون جميلة وسافر واشتغل طبيب أربعين سنة، كان مخلص جدًا لشغله وربنا رزقه نجاح وسمعة طيبة”.
واستكمل “نمرة” حديثه قائلا: “في مرضه الأخير بابا كان كل اللي بيعمله إنه يصور رسوماته القديمة اللي رسمها وهو صغير وينشرها على الفيسبوك، كأنه بيقول إعرفوني، ده أنا، مش الشخص اللي عرفتوه الأربعين سنة اللي فاتت، أغنية مرايات، بأهديها ليك يا بابا”.
أغنية مرايات لـ حمزة نمرة”
