علق الإعلامي محمد الباز؛ على مقارنة نسبة الاقبال في الانتخابات التركية الأخيرة بنسب الاقبال على انتخابات الرئاسة في مصر مشيرا إلى أن هناك محاولات استباقية لافساد المشهد الانتخابي في مصر.
وقال الباز خلال برنامج “أخر النهار” المذاع على قناة “النهار”: “أحيان كتير بنقول حاجة واحنا عايزين حاجة تانية؛ على سبيل المثال مثلا في موضوع الانتخابات الرئاسية المقبلة أنا عارف أن الناس في مصر مشغولين بحاجات كتير جدا وفي المقام الأول الناس مشغولة بلقمة العيش وبالأكل والشرب والاسعار اللي زادت ومهتمة بالأزمات الاقتصادية واسبابها وهل احنا مقبلين على انفراجه في الازمة الاقتصادية والا الازمة مكملة معانا”.
وأضاف: “الناس طول الوقت مشغولة بكيف تصبح الحياة أمنة ومستقرة ودا ميمنعش أن في اهتمام بالمشهد الانتخابي القادم؛ لأنه فيه لعب كتير أوي وفي محاولات لإفساد المشهد؛ أنا أشرت للمحاولات الاستباقية للإساءة إلى الانتخابات الرئاسية”.
وتابع: “أنا مش هتكلم عن المحاولات اللي من برة المحاولات اللي بيعملها الاعلام المعادي من برة دي محاولات مبررة دول ناس خصوم للبلد ومن الطبيعي أنهم مش عايزين حاجة كويسة من أي نوع؛ أنا بتكلم على حوار بيدور الان بجهل شديد جدا ومش عايز أستبعد أن في اهداف”.
وواصل: “أنا اتكلمت عن ناس بيقولوا ياجماعة احنا عايزين مشهد انتخابي زي الانتخابات التركية وانتوا شوفتوا الانتخابات كانت الناس فيها قد ايه واحنا مش أقل من تركيا يا جماعة والناس بتطبل وتزمر بجهل شديد”.
وأوضح: “الاقبال الشديد في تركيا كان عشان الانتخابات الرئاسية والبرلمانية كانت في نفس الوقت؛ من بعد 2011 كان في 3 انتخابات رئاسية؛ انتخابات 2011 وانتخابات 2014 وانتخابات 2016؛ الاقبال والمشاركة كانت قد ايه؟ لأنك لما تيجي تقيس بتقيس على حاجة في أيدك”.
وأكمل: “نسبة المشاركة في انتخابات 2012 كانت 46.42% ونروح لانتخابات 2014 واللي كان فيها الرئيس عبد الفتاح السيسي وحمدين صباحي؛ المشاركة وصلت نسبها إلى 47.45% يعني المشاركة في انتخابات 2014 زدات عن انتخابات 2012”.
وذكر: “لما رحنا إلى 2018 نسبة المشاركة كانت 41.16% احنا بنتكلم في ارقام وشكل المشاركة في مصر لو فرضا لو بتتعمل الانتخابات الرئاسية مع البرلمانية كان ممكن الاقبال يوصل 95% تقولي طيب ايه تفسيرك أن ناس بتلح على ده وتحط تجربة لا يقاس عليها في مصر”.
واختتم: “المشاركة تتراوح بين 40-47% ولما تطلع النتيجة يقولك شوفت بقي مكانش في اقبال على الانتخابات وكأن كان في خطة استباقية لإفساد المشهد والإساءة للناس في مصر اللي هي في النهاية عايزة تشاهد”.
