Ushirikiano mzito kati ya Misri na Tanzania, na hamu ya Misri ya kuimarisha ushirikiano huu wa kipekee
Prof.Hany Sweiam Waziri wa Maji na Umwagiliaji ampokea Bw.Richard Mutayuba, Balozi wa Tanzania nchini Kairo.
Dkt. Swailem alieleza furaha yake kukutana na Balozi huyo huku akieleza kuwa mkutano huu umekuja katika muktadha wa ushirikiano wa karibu kati ya Misri na Tanzania na nia ya Misri ya kuimarisha ushirikiano huu adhimu, na kwa upande wake, Bw. Mutayuba alieleza furaha yake kukutana na Dkt. Swailem na nia ya nchi yake ya kuimarisha ushirikiano na Misri katika nyanja zote kwa kuzingatia mahusiano mazuri kati ya Dkt. Swailem na Waziri wa Maji wa Tanzania, akiishukuru Serikali ya Misri kwa msaada inaoutoa kwa Nchi ya Tanzania katika sekta ya maji na umwagiliaji.
Dkt. Swailem alisisitiza kina cha mahusiano kati ya Misri na Tanzania katika ngazi zote, kwani Mto Nile unawakilisha uhai unaounganisha nchi zote za bonde hilo kwa pamoja, akieleza kuwa Misri imekuwa na jukumu kubwa la kusaidia mahusiano ya ushirikiano kati ya nchi za Bonde la Mto Nile kwa kujenga maslahi ya pamoja na kufikia manufaa ya pande zote.
Katika mkutano huo, walikagua hali ya miradi inayotekelezwa chini ya mwamvuli wa Mkataba wa Makubaliano uliosainiwa kati ya nchi hizo mbili, ambapo kupitia visima hivyo (30) vya chini ya ardhi vilianzishwa katika maeneo mengi ya mbali ili kutoa maji safi ya kunywa kwa wananchi wa nchi dada ya Tanzania, ambapo ilikubaliwa kuendelea kuamilisha nakala za Mkataba wa Makubaliano ya kuchimba visima vingine (30) vya chini ya ardhi na kutekeleza mabwawa 2 ya kuvuna maji ya mvua kulingana na mahitaji ya upande wa Tanzania.
Dkt. Swailem ameukaribisha upande wa Tanzania kushiriki katika Mpango wa Kimataifa wa Kukabiliana na Mabadiliko ya Tabianchi (AWARe), akieleza umuhimu wa mpango huu kwa Taifa la Tanzania katika kutoa fedha zinazohitajika kwa ajili ya utekelezaji wa miradi katika nyanja ya kukabiliana na mabadiliko ya tabianchi na kukabiliana na changamoto zinazotokana na mabadiliko ya tabianchi, na pia ameeleza umuhimu wa Taifa la Tanzania kunufaika na kozi za mafunzo zinazotolewa na “Kituo cha Kiafrika cha Maji na Kukabiliana na Tabianchi” iliyoanzishwa na Misri kutoa mafunzo na kujenga uwezo wa wataalamu wa Afrika katika nyanja ya kukabiliana na mabadiliko ya tabianchi chini ya mwavuli wa mpango wa AWARe.
