تحدث الفنان خالد سليم معبراً عن رأيه في تجربة الفنان تامر حسني بإخراج وتأليف فيلم بحبك، وأعرب عن غضبة من أصدقائه الذين تخلوا عنه وقت مرضه.
وقال خالد سليم: “وجهة نظر العين الواحدة غلط، ومش ممكن أعمل زي تامر حسني، وأنا كده هدي حقوق الناس إزاي المخرج والمؤلف، وده غلط، ودي وجهة نظري، ومقدرش أحكم على تامر حسني، والموضوع بشكل عام غلط، ولازم يبقى فيه آراء تانية، لازم ناس يبقى لها خبرة، ومشوفتش فيلم بحبك، وأعتقد إنه محققش نجاحات أفلام تامر”.
وتابع خالد سليم:” فنانين كتير خذلوني في وقت مرضي، وميهمنيش خالص، ولما مريت بالفترة دي وحصل كده من أكثر من حد، المشكلة في الفن من قلة ونفسيات الناس، وفيه حاجات بتتحكم في مشاعرنا لا إرادية، وممكن تحصل شوية حاجات مش هتفرق معايا، مش بيقولوا أعرف صاحبك وعلم عليه، وهما عارفين نفسهم، وهما كتير ومكنتش متخيل، والناس ديه في الحاجة الحلوة مش بتقول رد فعلها، ولما الواحد وقع كلهم اتريقوا”.
