حل الفنان أمير كرارة ضيفا مع الإعلامية منى الشاذلي من كواليس مشاركته فيلم البعبع، الذي يلعب بطولته ويُطرح حالياً في دور العرض السينمائية بالتزامن مع حلول عيد الأضحى المبارك.
وقال أمير كرارة: “أول مرة أعمل عمل كوميدي، وفي الأول كنت مرعوب، والفيلم جه بطريقة مختلفة قابلت المؤلف ودماغه ذرية، وقعدنا أنا وهو، وحكالي الفيلم كله وكنت بضحك وهو بيحكي، وهو دمه خفيف إيهاب، وقولتله الفيلم تحفة وهو بتاعي، وانشغلت سنة ونص، قعدنا أنا والمخرج حسين المنباوي، وبعتله الفيلم، قالي عايز الفيلم ده وهو مفهوش غلطة، وصورنا جزء كبير قبل رمضان، وباقي الفيلم بعده”.
وتابع أمير كرارة:” وممكن أكون اتأخرت في السينما؛ بسبب إني كنت بعمل سينمات، وأنا وبيتر ميمي وش السعد على بعض، ولما اشتغلنا كلبش كانت سلمة كبيرة في حياتنا، وكنت خايف من الكوميديا، بس كان معانا محمد عبد الرحمن توتا وأنور، وأخويا وحبيبي باسم سمرة، والعسل اللي بموت فيها ياسمين صبري، وكان جوايا تحدي وعايز أعمل حاجه مختلفة”.
وعن علاقته مع الأطفال، قال أمير كرارة: “أنا أقرب حد ليا في حياتي ولادي، هما بصحابهم كلهم أنا اللي مربيهم، وهما دول شلتي اللي بستمتع بيهم، ولما بنطلع الساحل بيرجعوا علشان يتمرنوا بقعد معاهم لوحدهم، وأنا بالنسبالهم بابا نويل، وأنا بتبسط معاهم، ولعبتي التعامل مع الأطفال”.
وتابع أمير كرارة حديثه: “تحية كبيرة لإمبابة، روحنا صورنا اليوم ده هناك أنا أنبهرت، وبقولهم إزاي مجتش هنا قبل كده، حلاوة الناس وتعاونهم معانا، وكل الناس اللي كانت الموجودة في المشهد، وبيعملوا زي ما حسين المنباوي بيقولهم، وكلهم حقيقين، ولو روحتي شوفتي فيلم في البرازيل هتشوف نفس المكان اللي في إمبابة”.
