محمد محمود عيسى يكتب: في حبك يارب – 1

في حبك يارب نلتقي في حبك يارب نتقارب في حبك يارب نتعايش في حبك يارب نتسامح في حبك يارب نتصافح في حبك يارب نساعد ونجبر ونتعاون في حبك يارب نفك الكربات في حبك يارب نجبر الكسرات في حبك يارب نقبل على الطاعات في حبك يارب نتقابل بالبسمات في حبك يارب نذوب ونمضي ونسيرعلى الطرقات في حبك يارب نحب ونعشق ونذوب وفي حبك يارب ننسى وننكسر وإليك نعود في حبك يارب تواجهنا العقبات وبحبك يارب نكمل المسيرات في حبك يارب تواجهنا الصدمات وبحبك يارب تقوينا وتنصرنا على الأزمات في حبك يارب نناجيك ونبكي ونسكب العبرات وفي حبك يارب نعود إليك مهما تباعدت بيننا المسافات .
كان يجلس على الأرض ينظر إليها وتظهر عليه علامات الحزن والأسى ومن شدة انهماكه في حزنه يكاد لا يرى ولا يسمع من حوله حتى وأنت تتحدث إليه ينظر إليك صامتا بائسا حزينا ساهما مستغرقا في حزنه وكأنه يتملكه بكل جوارحه وبعد نداء عليه أكثر من مرة
ياحاج ياحاج مالك فيه ايه مالك حزين وسرحان في حزنك مالك فيه ايه ايه اللي جري
مستقبلي ضاع وحياتي ضاعت وكل اللي أملكه من الدنيا هيضيع مع شقي عمري
يا عم قول يارب أهدي وقول ايه اللي حصل وإن شاء الله خير خليها على الله
حطيت كل فلوسي في شحنة وأغراض بتاعة ناس وسافرت وضمنتهم بفلوسي ونسيت ان اقامتي خلصت وفاضل يوم واحد ولو معملتش إقامتي فلوسي هتروح ومستقبلي هيروح وشقي عمري كمان
وعملت ايه طيب
لفيت على كل الناس اللي أعرفهم علشان استلف منهم فلوس لكن النهارده إجازة والمبلغ المطلوب كبير وعندي أخر مهلة سداد خلال ساعتين لو ما سسددتش الفلوس ضاع مني كل شيء
وكام المبلغ المطلوب منك
مطلوب مني ………
قول يارب وإن شاء الله خير
بعد نصف ساعة يجلس الرجل في مكانه يتقاذفه اليأس والحزن ويمسك عصا صغيرة يخطط بها على التراب وقد بلغ به اليأس والحزن مبلغه
ياحاج ياحاج
نعم نعم فيه إيه
عملت إيه في مشكلتك
معملتش حاجة زي ما أنا قاعد لله الأمر مفيش فايدة الموضوع انتهى خلاص
مفيش حاجة انتهت
يعني ايه
يعني خد الفلوس المطلوبة منك وروح سددها والحق الوقت والناس اللي منتظرينك قبل ما اليوم يخلص
ينظر الرجل إلى الفلوس في ذهول وصمت شديد وبعد فترة من الوقت ينظر إلى السماء ويصرخ في الشارع بأعلى صوته ناظرا إلى السماء معقولة يارب سمعت صوتي معقولة يارب فرجت كربي معقولة يارب فكيت ضيقي وخففت حزني ويبكي الرجل وتختلط كلماته بدموعه
ينزل إلى التراب ويقبله وهو يصرخ بأعلى صوته يارب يا حنان يا منان ليك الحمد والشكر
ويسأل الرجل انت عملت ليه كده
روح بسرعة علشان تلحق معادك وتدفع الفلوس