استعاد الفنان فتوح أحمد، ذكرياته مع مسلسل ذئاب الجبل مؤكدا أن كله كان بيموت أثناء التصوير، لدرجة أنهم عرضوا على الجهة المنتجة اعادة الأجور التي حصلوا عليها عن العمل وتقفيله دون استكمال تصوير باقي حلقاته نظرا لحالة التشاؤم التي كانت مسيطرة على الجميع في ذلك الوقت.
وقال فتوح أحمد، في تصريحات تليفزيونية: ذئاب الجبل كنت بقول عليه عايزين نخلص من أم المسلسل ده عشان هيخلص علينا، الله يرحمه صلاح قابيل صور نص الدور ومات، وجه عبدالله غيث ومات وكان لسه الدور بتاعه مخلصش،
والمخرج مجدي أبو عميرة خالته توفت، ومحمد صفاء عامر عمته توفيت، لغاية الواد الصغير الطفل اللي عامل ابن سماح أنور وقع من على الميكروباص ومات،
وتابع فتوح أحمد: ده مسلسل تحبه.. قولتلهم قفلوا المسلسل ده، وخدوا الفلوس اللي احنا خدناها، وكان فيه حالة من التشاؤم غير عادي، وقولت عليه وقتها هيفشل.
فتوح أحمد، استكمل: ذئاب الجبل من أقوى المسلسلات الصعيدية اللي عبرتت عن الصعيد، وأكتر مسلسل صعيدي حبيته ومكنتش فيه كان مسلسل (غوايش) بتاع صفاء أبو السعود وفاروق الفيشاوي.
وأضاف فتوح: ذئاب الجبل كان عند الناس هو رقم واحد، لدرجة إنه في الصعيد لما بيكون فيه جنازة كانوا ينادوا بالميكرفون ويقولوا الجنازة بعد مسلسل ذئاب الجبل، عشان كانوا عارفين إن الناس مش هيروحوا.
