أعربت الفنانة إيمان العاصي عن استيائها الشديد، مما يحدث في غزة من مجازر في حق الأطفال، وطالبت بستبعادهم من تلك الإبادة واخراجهم من قطاع غزة.
وكتبت إيمان العاص عبر حسابها الرسمي بموقع التواصل الإجتماعى “إنستجرام” قائلة: ” خرجوا الأطفال أرجوكم.. بس الأطفال”.
وأضافت: “ارحموهم والنبي خرجوهم كلهم لينا إحنا طيب، انتوا إزاي كدة؟ قلوبكم وعقولكم من إيه؟ إزاي قادرين تماطلوا كدة إزاي قاعدين مستنين”.
تابعت: “أنتم إزاي بتناموا؟ عرب إيه وعروبة ايه وأديان إيه بس الوضع مش وضع دبلوماسية يا عالم أنتم مافيش فيكم رجا”.
واستكملت: “الولاد محروقين وجعانين وعطشانين وخايفين، عارفين يعني إيه جوع وعطش؟ أرجوكم خرجوا الأطفال بس أرجوكم”.
واختتمت إيمان العاصي رسالتها قائلة: “كفاية جبروت، عارفة إنكم مش مشاعركم هي اللي بتحركم، وعارفة إنها حاجة تافهة عندكم بس أرحموا صرخة الأطفال بس”.
