أكد المنتج محسن جابر استيائه الشديد ورفضه لفكرة إعادة إحياء صوت كوكب الشرق أم كلثوم، ونجوم الفن الجميل عن طريق خاصية الذكاء الاصطناعي.
وقال محسن جابر خلال لقائه مع برنامج ET بالعربي: “الذكاء الاصطناعي أعتقد أنه في الفترة الأولى هيبقى فوضى عارمة، لأنه لا بيقدم الإحساس والشعور ولا السلطنة، هيقدم الصوت وهنستفيد بيه في إيه؟ أنا بعتبره عبث وتفاهات لأنه ظهر على الساحة شوية أقزام وعايزين يعملوا أي حاجة للصدمة”.
وأضاف محسن جابر:” صعب نلعب في أصوات الفنانين العمالقة، أم كلثوم كان ليها ستايل ومدرسة، ولا إحنا هنلبسها شورت ونخليها تغني راب؟، الافتقار إلى العمل الجيد هو اللي مخليهم يعملوا أي كلام على الساحة علشان وسائل الإعلام تتسلط عليهم، واللعب في الأغاني المصرية مؤامرة بكل الأركان، واستعمال الذكاء الاصطناعي ده موقعة هوى”.
كما فال محسن جابر: “أنا مش ضد الذكاء الاصطناعي ولا معترض عليه بالعكس، بس لما نيجي نجرب مش هنجرب على صوت الناس كلها بتعشقه، والذكاء الاصطناعي له إيجابيات أفضل من حالات العبث اللي بنشوفه.
