وجه الفنان الشاب طه دسوقي رسالة لجمهور ومتابعيه، أعرب من خلالها عن امتنانه وسعادته الكبيرة. بعد تفاعلهم واعجابهم بمسلسله المعروض حاليا “حالة حاصة”. والذي حقق نجاحا كبيرا .
وكتبب طه دسوقي عبر حسبه بموقع “فيس بوك”: “شكرا كلمة قليلة جدا. على كم الحب والمباركات اللي جايالي منكم من أول عرض المسلسل واسف لو ملحقتش ارد على ناس كتير. بس حابب أشكر أولا كل اللي سهل عليا إني أعمل شغلي. وأسف لو هيبقى بوست طويل شوية
وأضاف: “شكرا عبدالله أشرف اللي قابلته في الجمعية وكان معايا في مرحلة التحضير. وفادني جدا اني أتعرف عليه اكتر (بالمناسبة عبدالله دلوقتي شغال في تيم watch it). شكرا للصديقة الممثلة ملك ياسر اللي ساعدتني بمعلومات كتير عن التوحد وخاصة المرحلة اللي فيها نديم. شكرا لصديقتي الدحيحة / مراتي نادين اللي دايما في ضهري. . شكرا أستاذي واخويا الكبير احمد أمين اللي مترددش لحظة انه يكون جنبي في أول حلقة من المسلسل”.
ثانيا شكرا لكل فريق العمل. بداية من استاذ طارق الجنايني اللي إختارني وحملني مسؤولية اني اكون ضمن المسلسل ده .. مرورا بالمؤلف مهاب طارق اللي عمل حدوتة مهمة وسلط الضوء على فئة ناس كتير أوي متعرفش عنها حاجة وقرر إنه يضفر أحداثها بأغاني فرقة المصريين .. والمخرج عبدالعزيز النجار اللي أنا متأكد اني تعبته معايا .
واختتم طه دسوقي رسالتة قائلا: “واخيراً شكرا تاني لكل حد كتب عن المسلسل او بعتلي او باركلي وأتمنى باقي المسلسل يعجبكوا “.
