احتفل المطرب تامر عاشور بنجاح حفله الثاني على التوالي في جدة بالمملكة العربية السعودية، خلال ليلتين متتاليتين، وسط حضور جماهيري كبير، رافعًا شعار كامل العدد.
ووجه عاشور، شكره للجمهور، من خلال منشور على الصفحة الرسمية على موقع التواصل الاجتماعي “فيسبوك”.
وكتب عاشور: “اتشرفت بإني أكون أول مطرب مصري يحيي حفلتين كاملتين العدد يومين ورا بعض في الغالية على قلبي جدة، يومين استثنائيين في حياتي ومشواري اللي بدأته مع أهل المملكة خطوة خطوة من البداية حتى الآن بتعب ومثابرة ومجهود علشان أوصل لليومين دول كل ده بفضل ربنا ثُم الجمهور السعودي، وبدعم كبير، وثقة من الرائد حبيبي وأخي أبو ناصر الداعم الأول للفن والإبداع عامة، وليا خاصة في المملكة بلا توقف ثم الأهل والأصحاب، وهم شركة بنش مارك فرد فرد اللي ما شاء الله شغالين زي الساعة بكل حب ورضا، وابتسامة تفتح نفسك على أي شيء”.
وأضاف: “بشكر مصر وجمهور مصر بلدي اللي كل الفضل يرجعلهم بعد ربنا في كل ما وصلت ليه، كل الشكر للفرقة الموسيقية بقيادة المايسترو الأهم هاني فرحات مش علشان الحفلة بس علشان التعب والبروفات والجهد والسهر ثم النتيجة وبالمناسبة دي النهاردة بقالي تقريبا 20 سنة بغني ليكم وكوّنت في أذهانكم ذكريات كتير، أنا فخور بده وده مش معناه إن سنّي كبير أنا عمري 22 سنة تقريبا، فاتحبوا تقولولي إيه بالمناسبة السعيدة دي؟”.
ويستعد النجم تامر عاشور للتواجد خلال الفترة القادمة بين جمهوره المصري والعربي في عدد من الحفلات الغنائية، كما يجهز عدد من الأغنيات لطرحها للجمهور خلال الفترة القادمة.
