وصف الفنان إسلام إبراهيم، النجاح الكبير الذي حققته الفنانة ريهام عبد الغفور، في آخر أعمالها بأنه انتصار للإنسانية، وذلك في إطار تهنئته لها على النجاح الكبير الذي حققته في مسلسل” الغرفة 207″ الذي يذاع على منصة شاهد.
وكتب إسلام عبر حسابه الرسمي بموقع التواصل الاجتماعي فيسبوك: “النجاح الساحق لريهام عبد الغفور السنة دي مش بس انتصار للموهبة دي شيء مفروغ منه، أنا شايف إنه في الحقيقة انتصار للإنسانية، طول ما أنت إنسان طيب وجدع وحنين علي كل اللي حواليك وبتدي حب غير مشروط وبدون مقابل ربنا عمره ما هيسيبك وهيجيبلك حقك لغاية عندك”.
وتابع: “في ناس لما بتقابلهم بتحس إن روحك بتتغسل من جوه وبتحس إن الدنيا لسه بخير وإنك لازم تفضل نضيف مهما كان اللي بيحصل حواليك ودي ببساطة ريهام عبد الغفور، كل حد بيعمل حاجة في حياته هتتردله، كل حد دوق حد حاجة، هيشرب من نفس الكاس، ريهام السنين اللي فاتت كانت بتزرع حب لكل اللي حواليها، فحصدته من جمهورها وزمايلها، ريهام عبد الغفور قانون الجذب في أبهي صوره”.
يذكر أن مسلسل “الغرفة 207” حقق نجاحا كبيرا، منذ عرضه على منصة شاهد، وهو بطولة محمد فراج، ريهام عبد الغفور، ناردين فرج، كمال الباشا، يوسف عثمان، المسلسل مأخوذ عن رواية الغرفة 207 للكاتب الراحل أحمد خالد توفيق، سيناريو وحوار تامر إبراهيم وإخراج محمد بكير.
