أعربت الفنانة أنغام عن امتنانها بتقديم حفلة ليلة صوت الأرض في موسم الرياض ، مؤكدة أن الحفل جاء في وقته المناسب لعرض تاريخها الفني لـ جمهورها.
وقالت أنغام، خلال لقائها مع الإعلامي عمرو أديب على هامش حفلها ليلة صوت مصر: تاريخ الفنان بيتعرض في حفلة لما يموت أو نكون عجزنا أوي ، والحمدلله دا توقيت مناسب لـ ليلة صوت مصر لأني بصحتي وإني أعرض معظم تاريخي الفني.
وأضافت أنغام: تحضيرات الحفلة الحقيقة مفكرتش لوحدي والفريق اللي اشتغل معايا كله فكر وقعدنا نشوف هنعمل إيه بالأوركسترا بـ أكتر من 100 عازف، وازاي الناس هتسمع الرحلة كلها.
وعن سر نجاح حفلاتها، فقالت أنغام: نجاح حفلاتي بمجهود غير عادي ومتعة، وحلاوة الروح اللي الجمهور بيدهالي، أنا ربنا كارمني بالناس اللي بتسمعني هما شبهي بيحبوا ذوقي وأنا ذوقهم وببقى في قمة الشوق ليهم وقمة التوتر وببقى عايزاهم يبقوا مشتاقين تاني لـ حفلاتي.
وردت الفنانة أنغام على سؤال الإعلامي عمرو أديب بكيف تخرج من سجن الأغنية الناجحة، قائلة: سجن الأغنية الناجحة أسوأ حاجة أن تفكر تعمل زيها، أمشي وأعمل غيرها واكسر القالب ، إذا كان اللي هيقلدها مش هتنجح هتعمل أنت زيها؟ أوحش حاجة في الدنيا تفكر تعيد أغنية ناجحة.
