كشف الفنان أمير عيد، العديد من الأسرار عن أفكاره في الفن، وتعامله مع الجمهور وآرائهم فيه كفنان وأغانية الذي يقدمها، وبداياته الفنية، مؤكدًا أنه كان يرى نفسه مطربًا منذ طفولته، مضيفاً أنه يجب علينا إحترام مهنة الفن والجمهور.
قال أمير عيد خلال تصريحات تلفزيونية:” أنتوا قررتوا أني قدوة، ولكن أنا مش شايف نفسي قدوة.. أنا إنسان مش قدوة.. وفكرة الفنان قدوة كرهتنا في فنانين كتير أوي، وتغلبت على فكرة القدوة واعتبرت نفسي إنسان على طبيعتي”.
وأضاف: في مره كنت عامل أغنية وحد شتمني عليها.. كنت قايم أضربه بطبيعتي، ولكن لقيت صاحبي بيقولي أنت شخصية عامة فرحت، ولكن مقدرتش معملش كده، ولما حد بيقولي أنا بحبك أوي بحس أني مستحقش ده لأنه قالها بزيادة جدًا.. وهو ممكن يكون أحسن مني بكتير.. وأنا عارف نفسي وبيجيلي أفكار وحشة لأني بني آدم في الآخر”.
وتابع أمير: الكلام الحلو الكتير ممكن تصدقه ونفس الكلام لو قال كلام وحش، ولو حد تجاوز برد عليه وبشتمه.. وأنا متلصن بالعافية أني أحافظ على نفسي كـ بني آدم”.
واستكمل أمير عيد:” أنا كنت بتخيل نفسي من وأنا طفل إني هكون مطرب وحواليا جمهور، وبعتبر نفسي إنسان محظوظ وربنا أنعم عليا بنعم كتير بحمده عليها يوميا، والفن اللي بقدمه بيكسر المألوف”.
واستطرد أمير عيد:” لازم الفنان يحترم مهنته، وفيه أشخاص بيسطحوا مهنة الفن ومش بيحترموا المستمع وبيعتبروه سلعة، وجملة المصريين بيحبوا الهلس تقليل مننا وكأننا قطيع رغم إن كل شخص مختلف عن التاني”.
