Somalia kwa “Misri”: “Tunakuhitaji kujenga shule, kuendeleza mitaala na kuwafundisha walimu”

Jumanne, Dkt. Reda Hegazy, Waziri wa Elimu na Elimu ya Ufundi, alimpokea mwenzake wa Somalia Dkt. Fareh Sheikh Abdulkadir, Waziri wa Elimu, Utamaduni na Elimu ya Juu; kujadili masuala ya ushirikiano wa pamoja kati ya nchi hizo mbili katika uwanja wa elimu.

Mwanzoni mwa mkutano huo, Dkt. Reda Hegazy alimkaribisha Waziri wa Somalia na ujumbe ulioandamana naye, akielezea kina cha mahusiano ya Misri na Somalia, na pia alisisitiza maslahi kubwa inayolipwa na uongozi wa kisiasa kwa ushirikiano unaojenga na Serikali ya Somalia katika nyanja zote.

Wakati wa mkutano huo, Dkt. Reda Hegazy alionesha mafanikio yaliyofanywa na Wizara ya Elimu katika uwanja wa elimu nchini Somalia, ambapo shule za Misri zimefunguliwa katika miji mingi ya Somalia tangu Mwaka wa 2016, ikiwa ni pamoja na shule 7 za elimu ya msingi na sekondari, mbali na shule ya elimu ya ufundi, pamoja na ufunguzi wa shule nyingine ya Misri ya elimu ya ufundi, kwa mwaka wa masomo 2022 / 2023, na kwa sasa maandalizi yanaendelea kufungua shule nyingine ya elimu ya ufundi.

Dkt. Reda Hegazy aliongeza kuwa idadi ya wanafunzi wa kiume na wa kike katika shule hizo inafikia karibu wanafunzi wa kiume na wa kike 928, na katika shule ya elimu ya ufundi karibu wanafunzi wa kiume na wa kike 181, akibainisha kuwa idadi ya wanafunzi wa Somalia katika shule nchini Misri inafikia wanafunzi wa kiume na wa kike 334, akisisitiza utayari wa Wizara kuendelea kwa ushirikiano na kutoa njia zote za msaada kwa nchi ndugu ya Somalia katika uwanja wa elimu.

Kwa upande wake, Waziri wa Somalia alielezea Shukrani za watu wa Somalia kwa jukumu lililofanywa na Misri katika maendeleo ya mfumo wa elimu nchini Somalia, akithamini ushirikiano wa pamoja kati ya nchi hizo mbili.

Waziri huyo wa Somalia pia alipongeza juhudi za Misri zinazounga mkono maslahi ya pamoja kati ya nchi hizo mbili, haswa ushirikiano katika nyanja za kisayansi na kielimu.

Wakati wa mkutano huo, pande hizo mbili zilionesha masuala kadhaa yanayolenga kuimarisha ushirikiano katika kiwango cha mipango ya pamoja kati ya nchi hizo mbili, iwe na athari kubwa kwa kuendeleza vizazi wajao kwa njia jumuishi, ambayo inaongeza ujuzi na uzoefu wao katika kiwango cha kisayansi na vitendo.

Mkutano huo ulishuhudia makubaliano kuhusu kuongeza jumbe za elimu za Misri na kuongeza idadi ya shule za Misri nchini Somalia, pamoja na kuanzishwa kwa shule huru ya elimu ya kiufundi katika Mji mkuu Mogadishu.

Pande hizo mbili pia zimekubaliana kuanza kutekeleza taratibu za kuanzisha elimu ya jamii nchini kwa lengo la kuandikisha watoto wengi wa Somalia iwezekanavyo katika mfumo wa elimu katika maeneo ya mbali ambako hakuna shule, pia ilikubaliwa kuandaa kikundi cha mazoezi ambacho ni pamoja na kutuma makada wa mazoezi kutoka kwa wataalam wa Misri kuwafundisha walimu wa Somalia, mazoezi ya elimu, wanaojizoeza watachaguliwa kulingana na vigezo maalum, mbali na kuzindua mpango maalum wa kufundisha lugha ya Kiarabu kwa wazungumzaji wasio wenyeji, pamoja na ushirikiano katika kurekebisha mitaala ya lugha ya Kiarabu kwa elimu ya msingi katika shule za Somalia.

Mkutano huo ulihudhuriwa na upande wa Wizara ya Elimu ya Somalia, Balozi Elias Sheikh Omar, Balozi asiye wa kawaida na Kamishna wa Jamhuri ya Shirikisho ya Somalia jijini Kairo, Ibrahim Mohamed Omar Talha, Mwambata wa kiutamaduni katika ubalozi wa Somalia, Al-Mushtaq Taher Hassan, mchambuzi wa kiutawala katika ubalozi wa Somalia, Fahad Taher Ahmed, Katibu wa Waziri wa Elimu wa Somalia, na kutoka upande wa Wizara ya Elimu na Elimu ya Ufundi, Dkt. Sherine Hamdy, Mshauri wa Waziri kwa maendeleo ya utawala na msimamizi wa idara kuu ya mambo ya Ofisi ya waziri, Dkt. Akram Hassan, Mkuu wa Idara Kuu ya Maendeleo ya Mitaala, Nadia Abdullah, Mkuu wa Idara Kuu ya Masuala ya Walimu, na Dkt. Rabab Zaidan Mkurugenzi Mkuu wa Utawala mkuu wa Mambo ya Uongozi wa Elimu, Manal Mukhtar Mkurugenzi wa Idara ya Ukopaji wa Kigeni, na Randa Salah, Mkurugenzi wa Idara ya mahusiano ya utamaduni na wageni.