صالح جمعة: “أنا عارف مين اللي ظلم أحمد رفعت”
كشف لاعب نادي الكرخ العراقي، صالح جمعة، عن سبب وفاة أحمد رفعت، ومن هم الأشخاص الذين ظلموا اللاعب خلال الفترة الماضية.
وقال صالح جمعة في تصريحات تلفزيونية مع الإعلامي إبراهيم فايق: “أنا عارف مين اللي ظلم أحمد رفعت وعارف الموضوع من أوله ومش هتكلم دلوقتي”.
وأضاف جمعة: “لازم كل اللي ظلموا أحمد، اوعوا تستهينوا بأم ماسكة مصحف وبتقرأ قرآن، وهي بتدعي على اللي ظلم ابنها، واعرف لو مخلصش منك في الدنيا، هيخلص في الآخرة”.
وتابع: “النهاردة كهربا كلمني بيقولي أنا في كفر الشيخ، فبسأله هل عندك مباراة هناك، قالي أحمد رفعت مات”.
وأكمل: “أحمد يا إبراهيم يا فايق رجع للحياة علشان يقول أنه عاوز يودعنا كلنا، وأنا بشكر أنك بتدافع عن القضية، لأنك أنت شبهنا ومننا”.
واختم: “عارف يا إبراهيم أنك راجل مصري زينا، وبتمثلنا كلنا، وعارف أنك مش هتسكت على اللي حصل مع أحمد”.
تاريخ بارز لرفعت
ويعد رفعت أحد اللاعبين الموهوبين الذين برزوا في الكرة المصرية خلال السنوات الماضية، حيث لعب لعدة أندية كبيرة مثل الزمالك وإنبي والاتحاد السكندري والمصري والوحدة الإماراتي، قبل انضمامه إلى مودرن سبورت في عام 2023.
