كشف الفنان خالد النبوي عن رأيه في الفنان الراحل نور الشريف. وتحدث عن النصيحة التي قدمها له.
وقال “النبوي” خلال لقائه مع الإعلامي محمد سعد في برنامج sold out: “مش سهل ابدا تبقى نور الشريف. أنا دخلت المكتب عنده وشوفت ال22 جزء من موسوعة قصة الحضارة.
وأضاف: “وهو كان بيعملنا لقاء علشان فيلم عايز فيه شباب صغير من المعهد. فانا لما شوفت هو بيتعامل مع الكتاب ازاي قلت أنا عايز يبقى عندي الكتاب دة وفعلا جبتها”.
وتابع: “هو اللي قالي لازم تستمر أنا كنت برفض أعمال. هو قالي السينما لازم استمرار واوعى تبعد حتى لو السيناريو مش عاجبك اعمله ومتقعدش في البيت. لأن وانت بتشتغل هيجيلك السيناريو اللي يعجبك”.
آخر أعمال خالد النبوي
كان آخر أعمال خالد النبوى مسلسل “رسالة الإمام” بطولة أروى جودة، نضال الشافعي، خالد أنور، وليد فواز، جيهان خليل، حمزة العيلي، أحمد الرافعى، سلمى أبو ضيف ونخبة من نجوم الوطن العربي أبرزهم السوريين خالد القيش وهافال حمدي، والأردنية فرح بسيسو، والعمل سيناريو وحوار ورشة كتابة تحت إشراف المؤلف محمد هشام عبية.
