قاطع الرئيس عبد الفتاح السيسي، كلمة وزير الزراعة خلال مؤتمر “حكاية وطن” والتي ألقاها اليوم وعدد خلالها إنجازات القطاع الزراعي.
وقال السيسي مقاطعا وزير الزراعة خلال جلسة “الأمن المائي والغذائي” بمؤتمر “حكاية وطن”: “أنت عندك فرصة أتكلم؛ في الموضوع بتاع القصب كويس؛ في 350 ألف فدان بيتزرعوا بكميات ماية ضخمة جدا وأنت عامل برنامج عشان البرنامج ده تاخد منه وتشتل وتخلي الماية اللي بتستخدم فيها أقل ما يمكن”.
وأضاف: “أنت عندك فرصة تقول للناس في الصعيد الـ 350 ألف فدان اللي بنزرعهم بالطريقة بتاعتنا دا بيستهلكوا كمية ماية ممكن تزرع 800 ألف فدان ومليون فدان؛ طيب أنا النهاردة عملت البرنامج ده عشان في النهاية أزرع 350 ألف فدان تجيب ما يساوي 600 ألف فدان عشان أوفر الماية طيب أنت هتلاقي منصة احلي من اللي احنا فيها دي ايه؟ الدنيا كلها بتسمعنا”.
وتابع: “أرجع تاني نتكلم في الكميات؛ أنا كاتب الكميات دلوقت قدامي وفي حاجات أنت مش حاططها ليه؟ الـ 60 ألف فدان مبيحسبوش عندك؟ أنت قلت توشكي وشرق العوينات وسيناء؛ أنت في الأرقام اللي ذكرتها في التكلفة بتاعة الاستصلاح؛ أنت بتقول الفدان بيتكلف 250 ألف وأنت بتستصلح 4 مليون فدان يعني التكلفة تريليون جنيه طيب أنت كاتبهم قليل ليه؟”.
وأوضح: “أنا بقول الكلام دة لينا ليه؛ الوزير عارف كويس حاجته ولكن يمكن هو بيتكلم عن اللي هيدخل حيز الإنتاج خلال العام الزراعي دة؛ ولكن احنا بنتكلم عن اللي مخططينه خلال سنة ونص أو سنتين”.
وواصل: “احنا عشان نعمل في توشكي المشروع الفرع الرابع ده أنت بتكلم عن حائط صخري؛ أحنا مبنقولش حاجة أبدا مش صادقة؛ أنا محطتش هيكلة المليون ونصف فدان في الشغلانة لأني اعتبرت أن القطاع اللي بيقوم بيهم هو القطاع الخاص وبالتالي استثماراته هو اللي بيدفعها”.
واختتم: “لو جيت الفيديوهات بتاعة شق الترع ومحطات المعالجة بتاعة الماية ومحطات الرفع اللي بتتعمل العرض بتاعك ده هيبقي في حتة تانية خالص؛ أنا بقولك كده عشان احنا بنقول للناس ثقوا في أنفسكم وبنقول للناس في أمس”.
