مؤلف “سفاح الجيزة” محمد صلاح عزب يُهاجم هادي الباجوري “بوظ نهاية المسلسل”

هاجم المؤلف محمد صلاح عزب المخرج هادي الباجوري، مخرج مسلسل “سفاح الجيزة”. بسبب إعتراضه على نهاية العمل، مشيرا انها تغيرت تماما.

وأضاف “عزب” خلال مداخلة هاتفية مع الإعلامية أميرة بدر في برنامج “ملفات” “كان في خلاف في وجهات النظر. وانا مش راضي وهو غير حاجات في نهاية العمل وانا مش حابب اتكلم في تفاصيل لانها كواليس عمل وأسرار”.

تابع: “وهو عمل جماعي وانا مكنتش راضي عن المشاهد ودة مش اللي أنا عامله والطبيعي المخرج يدخل لكن في إطار شغله كمخرج مش أنه يدخل في شغل المؤلف بالشكل”.

وأوضح “في خط درامي كامل تم إضافته علشان مرات المنتج تمثل، وتم تكوين شخصية من الفراغ. علشان مرات المنتج تمثل وهو مش امين على الورق بالشكل دة فانا مش هتعامل معاه تاني، وفي البداية كنت رافض وجوده”.

واختتم محمد العزب حديثه عن هادي الباجوري قائلا: “اللي هو صوره زي ما مكتوب معنديش مشكلة. فيه وانا مشكلتي في اللي يتعلق بشغلي، والجزء التاني الحق الوحيد فيه ليه للمؤلف”.

أبطال مسلسل “سفاح الجيزة”

ومسلسل “سفاح الجيزة” بطولة أحمد فهمي، ركين سعد، باسم سمرة، صلاح عبد الله، داليا شوقي، جيهان الشماشرجي، هايدي خالد، من إخراج هادي الباجوري وسيناريو وحوار إنجي أبو السعود وعماد مطر، وتأليف محمد صلاح العزب.