كشف الفنان أحمد فهيم تفاصيل مشاركته في مسلسل جعفر العمدة، بجانب الحديث عن تفاصيل شخصية سيد التي جسدها خلال أحداث العمل.
وقال أحمد فهيم خلال لقائه مع المذيعة نورهان عبد الفتاح، في برنامج زووم ونص، المذاع عبر شاشة قناة “هي”: أنا مكنتش الترشيح الأول للدور، الدور جالي قبل التصوير بيومين.
تابع:”كنت بذاكر مسلسلات تانية جيالي من فترة وبعدين أستاذ محمد سامي كلمني وقالي التصوير بعد يومين، طبعًا كانت مفاجأة ومسئولية كبيرة جدًا بالنسبة ليا”.
أضاف: “قرأت 8 حلقات في أول يوم وبعدين صورت، ويارب تكون النتيجة على قد المجهود والدور يكون عجب الجمهور.
واستكمل: أنا مش ببص للدور بتاعي بس، أنا ببص للعمل ككل، وأي عمل للأستاذ محمد سامي أنا ببقى متوقع له النجاح من قبل ما نشتغل فيه”.
اضاف: ” محمد سامي أنا شهادتي فيه مجروحة وهو شخص مهم جدًا في صناعة الدراما وفكره مختلف وبيفكر برا الصندوق دايمًا، ولكن النجاح بالشكل اللي حصل في مسلسل جعفر العمدة”.
أما عن الاتهامات التي لاحقت مسلسل جعفر العمدة بشأن تشجيعه على تعدد الزوجات.
فعلق أحمد فهيم قائلًا: الدراما بتسمح إننا نتناول كل القضايا، إحنا مش بنشجع على حاجة ولكن بنتناول قضية في المجتمع وأكيد في حد متجوز 4، فإحنا بنتناول القضية دي مش بنشجع عليها”.
تابع: “القضية دي في دراما وراها وإحنا بنتناول الدراما اللي ورا هذه القضايا، والدراما بتسمح إننا نشطح بخيالنا في كل حاجة والدراما ملهاش حدود.
المسلسل كان فيه خيوط وأعمدة كتير جدًا فمش عايزين نركز على أنه أتجوز 4 بس، وأنا مش مع ولا ضد تعدد الزوجات، على حسب الظروف وكل واحد أدرى بحياته.
