يوسف الحسينى: مراكز الإصلاح والتأهيل “5 نجوم”.. والزيارة متاحة يوميا

قال الإعلامي يوسف الحسيني، أنه زار مؤسسة الإصلاح والتأهيل فى وادي النطرون، متابعا: “روحته بنفسى بداية من البناء.. شوفوا صور المكان عاملة إزاي.. نشوف التطور الكبير اللى حصل.. مركز للإصلاح والتأهيل”. 

وأضاف خلال برنامج “التاسعة” على القناة الأولي: “الانسان عاوز مكان لائق خلال فترة تقييد حريته.. تطلع بقي شهر.. تطلع سنة ولا 15 سنة.. لازم يتوفر أماكن للأكل فى مراكز الاحتجاز.. من حقه يأكل كل حاجة.. ومن حقه انه لما يتعب يلاقي مستشفي كويس وخدمة صحية مميزة.. ده حقه.. معايا ولا مش معايا.. يبقي يقضي فترة تقييد الحرية لفترة زمنية معينة.. اهم حاجة المكان ادامي”. 

وتابع يوسف الحسيني: “الأماكن الخاصة بالاحتجاز مميزة ومتطورة.. ويمكن زيارة هذه الأماكن المتطورة والتواجد فيها.. أماكن الاحتجاز 5 نجوم على مدار السنة “365” فى أي يوم يمكن الزيارة والتأكد من هذه الأماكن والموضوع مش صور بس ده واقع.. ويمكن زيارتها من الجميع.. سواء أجانب أو المصريين.. الحقوقيون والنواب والصحافة والإعلام يمكنهم زيارة مركاز الإصلاح والتأهيل.. وروحت شوفت بنفسي مرة بالصفة النيابية ومرة بالصفة الصحفية.. الشكل والمكان لائق جدا”.