قالت الفنانة ياسيمن وافي عن علاقة والدها ممدوح وافي مع الفنان احمد زكى ، انهم كانوا أجيال مختلفة فى المعهد.
و اضافت ياسيمن خلال لقاءها مع الإعلامى دكتور عمرو الليثى،:و كان الفنان احمد زكى كان يصر علي ان ياخده معاه فى كل الاعمال .
و تابعت ان احمد زكى اصيب بالسرطان ، و بعدها والدى ، و كان بيتغلب على محنة المرض بالضحك”.
مضيفه: ” والدي كان بيقول مش هنسميه سرطان هنسميه سوسو”.
تابعت :” وكان احمد زكى بيجري تحاليل للسرطان و كان خايف منها و علشان يشجعه قال له انا هعملها معاك”.
واستكملت: “و فوجئ بالدكتور بيكلمه بيقوله تعالى لى بكره ، و قال ليه انت كمان عندك سرطان بنكرياس ، و كانت صدمة”.
ولكنه اخفي الخبر عن احمد زكى علشان نفسيته ما تدمرش، و احمد زكي طلب منه يشترى ليهم مقبرة .
وتابعت ان الفنان احمد زكى كان بيقول لى انا اخو ابوكى ، و انهار عندما علم بوفاة والدى ، ووالدى مات اثناء اجراء عملية ، و هانى اخويا كان خايف يبلغه ، و احنا فى المستشفى فوجئنا بعمو احمد زكى بيكلمه و بيقوله خلاص ممدوح مشي ، زى ما عشنا مع بعض هنموت مع بعض ، و دفن فى مقبرة احمد زكى ، و اتفتحت ليه و هو اول واحد ينزل فيها و الفرق بين وفاتهم ٥ شهور .
