تحدثت الفنانة منة شلبي، عن تفاصيل خلافها مع الفنانة هند صبري، في وقت بداية مشوارهما الفنى، وانطلاقهما بالسينما.
وأضافت منة شلبي خلال لقائها ببرنامج “سهرانين” مع الفنان أمير كرارة.
قائلة:” إن علاقتها بهند صبري لم تكن جيدة،مضيفة “:مكنش لينا في بعض أوي، مكنش فيه خناق، بس مكنش فيه حب”.
وتابعت “طلعنا احنا الاتنين مع بعض كانت هي بتعمل فيلم مواطن ومخبر وحرامي، وفيلم مذكرات مراهقة، وانا كنت بعمل فيلم الساحر، وبحب السيما، وادوارنا احنا الإتنين كانت جريئة في الفترة دي”.
أضافت: “الفترة اللى انطلقنا فيها انا وهند، يجي حد يخلينا نسخن علي بعض ويقولي انها مبتحبنيش”.
تابعت: “وبعدين اشتغلنا مع بعض فيلم أحلى الأوقات، وكل واحدة فينا كانت كتفها كان عالي علي التانية، بس محترمين، وكان وسطنا أعظم حكم حكم ست البنات حنان ترك”.
وقالت منة شلبي: “رغم اني انا وهند مش قريبين من بعض، بس كان فيه بينا ود شديد صنعته حنان ترك”.
واختتمت حديثها قائلة: “خلص فيلم احلى الأوقات لا حرب ومفيش حاجة، وبعدها جالنا فيلم بنات وسط البلد، والمخرج محمد خان كلمني فوافقت، وروحنا نعمل بروفة عنده في البيت، واحنا بنفتح النسخة بصيت لهند صبري وقلت لها فيه كلام عايزة اقولهولك وهي كمان قالت لي وانا كمان وعرفنا ان فيه شوية ناس استغلت شوية تفاهة وصنعوا المشكلة ما بيننا ولكن فيه احترام لرحلتنا وشقانا وتعبنا”.
