طرح المطرب مسلم، على موقع الفيديوهات الشهير ال “يوتيوب” فيديو كليب يحمل إسم “غمة” وهى الأغنية الرابعة استكمالاً لأحد الأغاني الدعائية والترويجية للفيلم السينمائى “درويلة”.
وتتضمن الكليب بعض مشاهد من الفيلم الذى تجمع بين المطرب مسلم وبين أبطاله، ويشار أن فيلم “درويلة” يعرض آنذاك بجميع دور العرض السينمائي في مصر والوطن العربي.
وتقول كلمات أغنية “غمة”:
مش واقفه يوم ولا عمرها وقفت يوم على حد .. الباب قدامه هيخرج منه و هعمل سد
واللي مبينا يعتبره ، دا كان .. دا كان دا كان مولد و اتفض
غمه غمه غمه غمه .. و انزاحت راحت ثم.
فرفشت و عيشت حياتي .. نورت الحته الضلمه
نورت الحته الضلمه .. خنقه خنقه خنقه
ولا ينفعوا وقت الزنقه .. مالهوش لزمه و بايعينه
لو عايز يرجع لأ .. لو عايز يرجع لأ.
احنا بتوع اللي معانا .. نبنيله مكان جوانا
اما اللي يهمه اذانا .. مطرود و يعيش محروم
يتمنى يشوفنا قصاده .. هيعيش بعدنا ف حداده
يتعب و تزيد اعراضه .. و يفضل على نفسه يلوم.
حلمه حلمه حلمه .. انه يقابلني ف حلمه
كنت انا نعمته و رفضها .. خلي اللي خده يستلمه
خلي اللي خده يستلمه
مقلب كان مقلب .. و خلعت انا منه و بهرب
وقولوله سلام خلصنا .. حبه من القلب اتسرب
حبه من القلب اتسرب.
وجدير بالذكر بأن كليب “غمة” من غناء المطرب مسلم ومن كلمات عمرو المصرى وألحان عمرو الشاذلى وتوزيع موسيقى عمرو الخضرى.
ويذكر أن فيلم “درويلة” طرح الأسبوع الماضي فى دور العرض السينمائي وبعد طرحه بساعات قليلة، تصدر مواقع التواصل الإجتماعي المختلفة ومنها موقع التدوينات “X” أي تويتر سابقاً وأيضا موقع “الفيس بوك” وذلك لتفاعل بعض الجمهور معه الذين شاهدوا الفيلم.
