استمرارا لحالة الجدل الدائرة حول موقف الفنان بيومي فؤاد من المشاركة في موسم الرياض وانسحاب محمد سلام، وما تبعها من تعليقات ومواقف، أدلى الفنان محمد رمضان، بدلوه على هذه الأزمة
محمد رمضان يدافع عن بيومي فؤاد
وشارك محمد رمضان، متابعية بمقطع فيديو عبر حسابه الشخصي بموقع تبادل الصور والفيديوهات انستجرام، وقال: رسالتي لكل جمهوري العربي رأس مال أي فنان أو نجم في الدنيا هو الناس اللى هما حضراتكم، بنطلب من كل حبايبنا وكل اللى حاولينا أمى وأبويا يدعو أن ربنا يحبب فيا الناس والجمهور.
وقال محمد رمضان: شيء قاسي لما أكتر حد أنت تبقى عايز تسعده وتنال رضاه هو اللى يكون قاسي عليك بالكلام، وكلامى عن زملائي وأخواتى وأنا بتشرف بيهم الاتنين محمد سلام وبيومى فؤاد، لا سلام غلط ولا بيومي غلط حتى لو في ذلة لسان.
وأضاف رمضان: إحنا بنقول اللهم لا تؤاخذنا إن نسينا أوأخطانا، لوغلطنا وإحنا بنصلى ربنا بيسامحنا، فعملوا إيه الاتنين عشان نكون قاسين عليهم من هنا على سلام أو بيومي، الاخبار اللى بسمعها اللى إن شاء الله تكون إشائعات إن سلام مش هيشتغل ولا حد هيسمح بكدا ولا إحنا كفنانين ولا الجمهور هيسمح بكده، اللى هو في ضهر أى فنان بيحبه وبيساعده.
واختتم نمبر وان: ولا إحنا مع بيومي أن يقفل الكومنتات عشان ميشوفش كلام وحش، ياريت نكون أحن من كده على بعض.
