ترددت أنباء عدة حول اعتزال الفنان لطفي لبيب؛ وذلك بعد حديثه الأخير مع الإعلامية بوسي شلبي؛ على هامش تكريمه في الدورة الثانية من مهرجان القاهرة للدراما، التي أقيمت منذ أيام في مدينة العلمين الجديدة.
وقال لطفي لبيب “طول عمري بمثل ومبطلتش تمثيل، وأنا موقفتش تمثيل للأبد بمعنى الاعتزال، لكن الناس فهمت غلط واعتزالي مش صح.
وأضاف: هعتزل إزاي وأنا لسة بيتعرض ليا فيلم مرعي البريمو مع الفنان محمد هنيدي، ومسألة إتجاهي للكتابة مش جديد طول عمري بحب أكتب.
وكان لبيب قد أكد في تصريحات تلفزيونية: المهرجان جميل والمدينة أجمل.. وعايز أقول إن احنا هنرجع بالدراما القوية التي تقلم الوحش داخل الإنسان، واشتغلت في الدراما مع أستاذ يحيى العلمي ومع الجيل ده كله.
وأردف لطفي لبيب: وكانت الدراما بتدخل البيوت تقعد الناس في البيوت، والحلقة لما كانت بتتذاع كان شبه حظر تجول وقاعدين في بيوتهم وبيتفرجوا وبيطلعوا بقيمة حلوة جدًا، زي ما قولت تقلم أظافر الوحش داخل الإنسان بتهذبه، وهنرجع تاني ونبقى أحلى وأحلى.
أما عن أعماله الجديدة، تابع لطفي لبيب: بالنسبة لي لا أكتم سرًا، توقفت عن التمثيل وقاعد أكتب قصص قصيرة وسيناريوهات ومسلسلات.
