قالت الفنانة لبلبة، إن الحفاظ على رشاقتها وجمالها مرتبط بكونها نباتية لمدة تصل إلى 23 عامًا، لافتة إلى أنها تعيش على تناول الأجبان والخضراوات، وتحب الفول والطعمية بصورة كبيرة.
وأضافت خلال لقاء لبرنامج «كلمة أخيرة»، الذي تقدمه الإعلامية لميس الحديدي عبر فضائية «ON»، مساء الثلاثاء، أنها تحرم نفسها من العديد من الأطعمة؛ حتى تكون جاهزة لتقديم أي دور، معقبة: «بحرم نفسي من حاجات كتير عشان أكون جاهزة».
وأشارت إلى أنها دائمًا ما تحرك عضلاتها أثناء جلوسها، مازحة: «في حاجة مهمة أوي إن وشي متغيرش كتير، لو غسلت وشي وشلت الرموش والهيصة دي كلها، هتحسوا إني أنا لبلبة بتاعة 4 بنات وضابط».
وذكرت أنها من وقت لآخر تحقن وجهها بالبوتوكس، موضحة أنها تستعين بالبوتوكس بحسب طبيعة الدور الذي تقدمه.
وتابعت: «بعمل بوتوكس على حسب الدور، لو الدور ست أرستقراطية وشايفة نفسها، أروح ضاربة 2 بوتوكس يرفعوا الحواجب لفوق، لو طالعة غلبانة وست شقيانة كله يفضل زي ما هو.. ربنا يخلي لنا البوتوكس مش بطال، البنات اللي عندهم 25 سنة بيعملوه».
ولفتت إلى أنها تتمنى أن يكتشفها مخرج مثل الراحل عاطف الطيب، من أول وجديد، ويقدمها في أدوار لم يرها الجمهور فيها من قبل، مختتمة: «لسة جوايا حاجات عاوزة أعملها، عاوزة أقدم حاجة لذوي الهمم، ومعملتش أبدا دور شريرة، أتمنى ربنا يبعت لي حد زي عاطف الطيب، اللي يروح دايس على حتة عندي محدش شافها».
