فريدة سيف النصر تكشف عن تعرضها للسرقة
![](https://misralan.net/wp-content/uploads/2024/07/20240726184215067.jpg)
كشفت الفنانة فريدة سيف النصر عن تعرض منزلها للسرقة أثناء عدم تواجدها فيه خلال الأيام الماضية.
وكتبت فريدة سيف النصر على حسابها بموقع “فيس بوك”: “يا جماعة طنط فريدة أتروقت جامد، استغرب جدًا من اللي يمد إيده يأخذ حاجاتك بمنتهى البجاحة ويسرقك وأنت مأمنه جدًا”.
وأضافت فريدة سيف النصر: “طيب إزاي هاتسلم بيتك لحد وتلاقيه خانك وممكن تأذيه لكن يصعب عليك عيالهم، رغم أن سهل جدًا لو طلبوا الحاجات دي تديهالهم بطيب خاطر وبالحلال بدل مايبقوا حرامية وخاينين، أنا أول مرة في حياتي ابعد عن بيتي كتير ومن يوم ما رجعت للنهاردة كل شوية اكتشف كوارث متاخدة، كل ما احتاج حاجة أدور مالاقيهاش منك لله يا شيخة”.
وتابعت فريدة سيف النصر: “يا جماعة أنا واضحة أني سلمت بيتي لعديمة أمانة وخاينة ومش عايزه أسب ولا أؤذي علشان ماعملتش لهم بلوك ويمكن عيالها يهزأوها، لكن لو في عندها ضمير؟ ضمير إيه وزفت ايه يا فريدة، العوض على الله بس مش هاتتهني أنا عارفة نفسي اللي بيخوني أو يظلمني ربنا في ظهري.. حسبي الله بجد.. هو أنا ناقصة.. الحمد لله”.