كشفت الفنانة عفاف مصطفى، كواليس خلافها مع أسرة الزعيم عادل إمام، بسبب منعهم من زيارتها لوالدها.
موضحة أن الزعيم هو من قام بترشيحها لمسلسل أستاذ ورئيس قسم الذي عرض في عام 2011.
وتابعت عفاف مصطفى خلال مداخلة هاتفية عبر برنامج تفاصيل، الذي تقدمه الإعلامية نهال طايل عبر فضائية صدى البلد 2،:”أنا اتعودت اتواصل مع عادل إمام تلفونيا، أو أروح اللوكيشن أسلم عليه وأباركله لو أنا بصور معاه او لو مش بصور معاه”.
واستكملت: “هو شخصية جميلة ولطيفة جدا وفوق الصورة اللي الناس بتتكلم عنها”.
وأشارت عفاف مصطفى، إلى أنها أحبت أن تتواصل مع الزعيم ،ولكن أسرتها رفضت وتعاملت معه منذ مسلسل العراف”.
مضيفه: لكن لم يكن بينهما أحاديث كثيرة، لكن الزعيم عادل إمام هو من رشحها لمسلسل أستاذ ورئيس قسم.
وأكملت عفاف مصطفى :”الزعيم عادل إمام كان بيقولي مفيش حد غيرك بيعرف يضحكني يا عفاف، أنا ممكن مضحكش حد على الشاشة بس أضحكه في الحقيقة”.
تابعت: “كان دايما يقولي تعالي أقعدي يا عفاف و ضحكيني وكنت على طول بتواصل معاه تلفونيا وكنت أحكي له أني بصور في لوكيشن جنبه، كان يقولي تعالي اتفضلي أشربي فنجان قهوة أقوله لأ مش فاضية عندي تصوير”.
واختتمت عفاف مصطفى، “الزعيم على طول كان بيسأل عني ويطمن ولو تعبانه كان بيقولي طيب ابعتلك دكتور علشان الموضوع ميكبرش، وكان يتصل تاني يوم ويتطمن عليا، هو حد جميل و طيب و ودود”.
