رئيس البيت المصري ببرلين يحتفل بعيد ميلاده علي طريقته الخاصة

يحتفل اليوم علاء ثابت رئيس البيت المصري ببرلين بعيد ميلاده .

وقد كتب علاء ثابت المعروف باسم ” عمدة المصريين في برلين” علي صفحته في الفيسبوك ” النهارده الجمعه الموافق 17/2/2023 عيد ميلادى 67 سنة عملت كشف حساب لنفسى فى الزمن اللي راح ..  24 سنة سنجل وكنت واد عفريت وبعدين امى الله يرحمها قلتلى تعالى اجوزك سمعت كلامها وهى اللي اختارت البيت والباقى كان عليا وكنت راجع من ايطاليا ومش عايز اتجوز اجنبية صممت اتجوز مصرية بنت بلدى تحافظ عليا وانا كمان احافظ عليها وبنت اصول وتتحمل الغربة الصعبة وفعلاً الحمد لله اتجوزت واتغربت معايا أكثر من 40 سنة فى المانيا وعملنا عائلة واولاد واحفاد كلهم بيحوا مصر ام الدنيا ويكونوا خير سفراء لمصر الحبيية فى الخارج ونجحنا في تكوين عائلة جميلة فخورين بيهم وهم فخورين انهم مصريين ونجحنا مع بعض .

فى هذا اليوم اتوجهة بالشكر الى عائلتى وزوجتى خاصة وربنا يحفظهم ( اكيد قصتى لها مغزى ) عائلتى هى دى ثروتى فى حياتى وانا وزوجتى بنشتغل فى العمل العام متطوعين وبنساعد الجميع بقلب ابيض
وشكرا لجميع أصدقائي فى الخارج وداخل مصرنا الحبيبة على التهنئة ربنا يحفظكم جميعآ .. و تحياتى من برلين