دينا: أنا أم صارمة جدا ابني مش مرفه وابني كره الفن عشان شافني بتعب (فيديو)
كتبت : ايمان علي
كشفت الفنانة دينا عن تجربتها في تربية ابنها بمفردها. وذلك بعد وفاة والده المخرج سامح الباجوري. حيث أشارت إلى أن جملة “تربية واحدة ست” ليست مهينة كما يظنها البعض.
وأضافت دينا في برنامج “الستات” الذي تقدمه كل من سهير جودة ومفيدة شيحة عبر شاشة “النهار”: “كل بيوت مصر اللى مربيهم واحدة ست، مهما كان في رجل في البيت. فهو طوال النهار في الشغل، وبيرجع آخر الليل مابيربيش، كل مصر مربياها ست”.
وتابعت: وفي حالات الانفصال، وإيه اللي خلاه مش موجود؟ ما ياخد أولاده خميس وجمعة يربيهم؟ هو مش عايز يبقى موجود لو عايز أهلا وسهلا، ياخد الولاد يربيهم يشوف إيه اللي حاصل طول الاسبوع ويقومهم في اليومين”.
https://www.facebook.com/watch/?v=1900376143749988
واستكملت: “عدم وجود الأب صعب جدا، وصعبة كمان على الأم، ودايما أنصح أصديقائي واي واحده فيهم اقولها ماتطلقيش ولادك لما يوصلوا 12 سنة مش هتقدري عليهم”.
وأضافت: أنا أم صارمة جدا ابني مش مرفه، وخليته يعتمد على نفسه، لأن أنا بعتمد على نفسي لحد انهاردة، وأنا معملتلوش أنا عملت لنفسي، هو يعمل لنفسه”.
وعن عن رغبته في امتهان الفن رغم أن والديه فنانين، قالت دينا: “هو لا يحب العمل في الفن، وأنا السبب، لأنه شافني بتعب أد ايه، فقال لي عايز اشتغل حاجة 5 أيام ويومين أجازة”.
