بعد الإعلان عن فسخ خطبتها.. أول رد فعل من خطيبة مسلم
علقت يارا تامر علي فسخ خطبتها من مطرب المهرجانات مسلم ،عبر خاصية الاستوري بحسابها الرسمي بموقع الصور والفيديو “إنستجرام”.
وكان مطرب المهرجانات “مسلم”، قد أعلن خلال الساعات الماضية عن فسخ خطبته للمرة الثالثة من يارا تامر، عبر حسابه الرسمي بموقع الصور والفيديو “إنستجرام”، لتكشف خطيبته عن أسباب الانفصال، قائلة: “عايزة أقول حاجة صغيرة ممكن تكون مش مهمة لبعض الناس لكن لازم أعلن دا، تم فسخ خطوبتي من مسلم للمرة الأخيرة”.
وتابعت: “إحنا حاولنا كتير لكن مفيش نصيب ولا تفاهم بينا، هو شخص كويس ومحترم وكل حاجة وربنا يكرمه في حياته، لكن مشاكنا صعبة وتفكيرنا بعيد عن بعض مهما حاولنا”.
وكان مطرب المهرجانات مسلم، قد أعلن خلال الساعات الاخيرة عن فسخ خطوبته للمرة الثالثة، من فتاة من خارج الوسط الفني تدعى يارا تامر؛ عبر حسابه الرسمي بموقع الصور والفيديوهات «إنستجرام».
وكشف مطرب المهرجانات مسلم عن أسباب فسخ خطبته عبر حسابه الرسمي، قائلا: “محتاج أقول حاجة يمكن مش حتكون مهمة قوي للناس دلوقتي لأني حاسس أن الناس زهقت من الموضوع ده بس حبيت أوضح علشان رضيت ضميري قدام ربنا، تم فسخ خطوبتي من يارا تامر”.
وتابع: “وأتمنى لي حياة جميلة ونجاح واستمرار لأن حاولنا كتير وأنا خسرت كتير قوي من حياتي ووقتي قصاد التجربة دي وفشلت”.
واختتم مسلم: “والحمد لله بحمد ربنا أنه بين لي كل حاجة تخليني أبقى في حالي وبعد وأسف لنفسي مرة ثانية والمرة دي بجد تعلمت الدرس شكرا المرادي اتقفل الموضوع نهائي”.
