0:00
تحدث الفنان أحمد عزمي،عن المرحلة الصعبة التي عاشها، بعد مقتل شقيقه، ودخوله طريق الإدمان الذي ادى الى تدميره.
وقال أحمد عزمي خلال لقاءه ببرنامج “واحد من الناس”، مع الإعلامي عمرو الليثي عبر قناة الحياة: “بدأت بإدمان الكحول حتي أهرب من واقع عشته، بعد حادثة حمدي أخويا، وكان جوايا غضب شديد في الفترة دي”.
أضاف: “اشتريت شقة فى شرم الشيخ، واتعرفت على ناس أخدتني لطريق الإدمان”.
تابع: ” باسم سمرة من أقرب الناس لي في الوسط الفني، وشك إني مدمن كوكايين، وجالي هو وأخوه البيت وخطفوني، وحبسني في البيت عنده 4 أيام، علشان يتأكد إني مش مدمن كوكايين، وقولت له أنا مدمن كحول فقط”.
وكشف عزمي بأنه كان بحاجة لصدمة لكى يخرج مالذي به قائلا: “كنت محتاج صدمة إلهية علشان أرجع عن الطريق اللى أنا ماشي فيه، وكان الحبس هو بداية إني أفوق تاني”.
