كشفت الفنانة ميس حمدان مواصفات فتى أحلامها الذي تتمناه وتتوسل إلى الله باستمرار حتى يرزقها به.
وقالت ميس حمدان خلال لقائها مع الإعلامية أميرة بدر ببرنامجها “vip” المذاع على شاشة “هي”: انا حبيبة أوي بحب على نفسي، حسيت احساس السند والضهر ولكن مش كامل ، لأن مجتش المواقف الكافية اللي توريني مدى كفاءة الإنسان اللي قدامي واعتمد عليه ، ويمكن عشان كنت صغيرة ، وده من كتر اعتمادي على نفسي، اللي هو هيجي هيعمل ايه.
وأما عن فكرة اعتزالها للفن بعد زواجها فقالت ميس حمدان: زمان كنت ممكن اقول لا عشان نجاحاتي وعايزة اكبر نفسي وهكذا ، دلوقت ممكن استغنى عن كل حاجة عشان اكون أسرة وممكن اسيب شغلي عشان أبني بيت.
واستكملت حديثها: ساعات بقول نفسي يجي راجل اتسند عليه ويشيل عني وبعدين أشوف اللي حواليا بيشتكوا بقول خلاص مش عايزة ، ومش عايزة حد يطلع عيني، وعندي يقين إن ربنا يبعتلي إنسان يكون حاجة حلوة في حياتي.
وأضافت ميس حمدان: بدعي طول عمري ، يبعتلي الإنسان الهني الرضي الغني الخلوق اللي اتجوزه واجيب منه الذرية الصالحة .
