قال الفنان رامي جمال، أنه يعاني من مشكلة في الإنجاب، مشيرا انه كان يتمنى في طفل يحمل اسمه.
وأضاف خلال لقاءه ببرنامج “حبر سري”، مع الإعلامية أسما إبراهيم، :”أنا عرفت إن عندي مشكلة في الإنجاب.
أكيد نفسي في حد يكمل اسمي، والحمدلله من نعم ربنا انه يرضى الإنسان بكل حاجه، وبشوف ولاد أخويا أحمد ولادي، وولاد أي حد أعرفه”.
تابع متحدثا عن زوجتة: “كنت بخاف على ناريمان مراتي، تتأذى من موضوع عدم انجابي.
وقلت لها إحنا عايشين مرة واحدة، مفيش وقت تعملي جدعه وتضيعي على نفسك حلم الأمومة.
قالتلي كل أنواع الرزق بتيجي لكل شخص لوحده، إلا الخلفة رزق مربوط لإثنين.
مضيفا: قولتلها عمري ماهشوفك قليلة الأصل لو مشيتي”.
