علقت المخرجة إيناس الدغيدي على علاقات الحب في حياتها قائلة: “برجي برج الحوت بتاع الحب، لكن حبي دلوقتي مختلف، ممكن احب حد مشوفهوش، في حد بحبه بس هو مش عارف، وشايفه ان ده الراجل اللي بتمناه، مش هقوله ولا ابين له”.
وأضافت: “بحب شخصيته وقوته ومش شكلاًا بحب الراجل اللي عنده باور فلوس وسلطة، ومش ممكن اقوله، وكبريائي بيخسرني، بشوفه بس ميعرفش اني معجبه بيه، واوعدك لو علمتيني هعمل كده ومش معايا رقم تليفونه حتى”.
وقالت إيناس الدغيدي، خلال استضافتها ببرنامج “أسرار” مع الإعلامية أميرة بدر المذاع على قناة النهار: “بيعجبني كل حاجة فيه بس متجوز ومبجيش ناحية المتجوزين، وزوجي لما حبني كان متجوز، ولا يمكن ابقي زوجة ثانية، لكن ممكن ابقى حبيبة، تفرق كتير، لان الحب اوقات لكن مش كل يوم في البيت”.
ةتابعت: “واللي بيني وبينه هيبقى الحكاية الحلوة مش الوحشة، وكفاية اشوفه مرتين في الاسبوع، لكن لو ساب وجه هتجوزه بس مش هقوله اعمل كده، مش هحب بدون ارادة، انما لو مخططة وراسمة ده مش حب”.
