علق أمير مرتضى، المشرف السابق على الكرة بنادي الزمالك، على ما تردد من أقاويل أن الزمالك عزبة مرتضى وأولاده .
قائلًا: “فكرة ان فيه عيلة مكونة من 3 أشخاص بيشتغلوا عمل عام في مكان واحد ومسيطرين على النادي، دي حاجة حقيقية ومتعيبش، المكان اللي بنديره يا نبسط عليه سيطرة حقيقية يا إما منبقاش موجودين، لان الناس جابتنا عشان ده”.
وأضاف أمير مرتضى، خلال استضافته ببرنامج “أسرار” : “وده اتكرر في أندية كتير زي الإسماعيلي وآل عثمان، وحصل في الأهلي مثال كابتن صالح سليم وكابتن طارق سليم، ودول اساطير بالنسبالي”.
وتابع: “انا مش شايف ان لازم يبقى عندنا عقدة لو حد نجح في مكان فيبعد أسرته، ما ممكن احنا الاتنين عشان متربيين في بيت واحد على حب النادي مثلًا نديله كتير، وصرفت ملايين ووصلت لمرحلة اني بصرف اللي محوشه كمان”.
واختتم امير مرتضى حديثه قائلا: “وكنت بحلم اني العب في المكان كورة فا بقيت بدير الكرة في المكان كله، وكنت بعمل مكافآت من جيبي للاعيبة، ولو لاعب ما عايز احمسه بطريقتي او عنده ظروف خاصة وهو لاعب صغير كنت بعمل كده”.
https://fb.watch/r6U4wjRp_t/
