أعربت الإعلامية مفيدة شيحة عن استيائها من تصرريحات الفنان بيومي فؤاد. فى مويم الرياض، عن الفنان محمد سلام واعتذارة عن المشاركة في مسرحية “زواج اصطناعي”.
وقالت مفيدة خلال برنامجها “الستات”: “نلوم موقف بيومي فؤاد في اللي حصل. ولا ألومك على إنك تزعل من محمد سلام، لكن ألومك كمواطنة مصرية إنك تطلع على خشبة مسرح دولة أخرى. وتلوم ممثل مصري آخر أخذ موقف في بلده بشأن شيء”.
وأضافت: “فكرة إننا نتخانق أو نهزأ بعض خارج بلدنا ده يقلل منا ولا يعلينا. وإوعى تفتكر إنك بالتصفيق اللي حصلت عليه إمبارح أصبحت البطل المغوار، لا استاذ بيومي حضرتك بقيمتك وسنك وتعليمك وحب الناس لك كنت ممكن تعمل لايف في بلدك تنتقد فيه محمد سلام، وكانت الناس هتحترمك”.
واستكملت: “اللي حضرتك عملته إمبارح إهانة لنا كلنا في موضوع يخصنا جميعا. والراجل اعتذر ، وإنت مكنتش محتاج تكسب بنط على قفاه. وفي النهاية كل اللى اقدر اقوله كنت اتمنى تتكلم في الموضوع في لايف وليس علي خشبة مسرح”.
هجوم بيومي فؤاد علي محمد سلام
وكان الفنان بيومي فؤاد هاجم محمد سلام في نهاية عرض مسرحية “زواج اصطناعي” بموسم الرياض قائلا: “من حقك أنك تعتذر عن المسرحية لكن مش من حقك أنك تغلط في فنك”.
وأضاف: “إحنا مبنجيش علشان نضحك حضراتكم إحنا بنقدم فننا المصري إنتوا بتحترمونا وإحنا بنحترمكم جدا شيء عظيم أني أخرج اتصور مع شاب سعودي ومع سيدة سعودية وهي تعلم أني مصري أنا بشرف بلدي”.
