فتح المستشار مرتضى منصور، رئيس الزمالك المعزول من منصبه، النار على محمود عبدالرازق شيكابالا قائد الفريق الأبيض، خلال تصريحات لقناة الزمالك.
وقال مرتضى منصور، “اللي بيحب الزمالك، ميتمردش، ويلم اللعيبة الصبح ويقول مش هننزل التمرين، وأنا وقتها حذرت اللاعبين على الجروب إللي مش هيجي التمرين الساعة 4 النادي مش عاوزه”.
وأضاف مرتضى منصور، شيكابالا قائد الزمالك قاد تمردا للاعبين لعدم نزول التدريبات بسبب أزمة المستحقات المتأخرة، شيكابالا سرب أخبار للإعلام عن عدم حضوره جلستي مع اللاعبين اعتراضا على عدم حصولهم على المستحقات”.
وتابع مرتضى منصور، “الكابتن كبير وخليك في نظرنا كبير، طبعًا اللاعبين لهم مستحقات، ولكن سيف الجزيري وحمزة المثلوثي، اللي مش من ولاد الزمالك رفضوا تصرف شيكابالا، أنت لاعب موهوب، متضيعش موهبتك بالكلام ده، ومتزعلش الناس منك بالكلام ده، أنا 24 ساعة مش بنام وأنا بره النادي وسبت رئاسة النادي بسببك عشان ممدوح عباس صاحبك يفك الحجز عشان ندفع مستحقات اللعيبة وندفع غرامتك”.
واصل مرتضى منصور تصريحاته ضد شيكابالا قائلاً، “القيد موقوف بسبب غرامتك، وقلت أن مرض ابنك سبب عدم تلبية الدعوة، روح لممدوح عباس بما أنك تحبه، والذي استضافكم بعد الدوري قبل الماضي، ومنح اللاعبين جميعهم 100 ألف وأنت 300 ألف، وجودك زي عدمه، لكن التمرد لا يجوز، هناك لاعبون أجانب في الفريق رفضوا التمرد الذي قاده ونزلوا للتدريبات، الزمالك عنده 100 كابتن غيرك، ولو عايز أخليك متلعبش هطلب من أوسوريو يستبعدك”.
