هاجمت الفنانة بسمة بوسيل، مديرة أعمال طليقها الفنان تامر حسني، هالة عمر ليلة زفافها الذي أقيم منذ ساعات قليلة ، بحضور تامر حسني الذي سلمها لعريسها.
ونشرت بسمة بوسيل صورة تامر حسني مع مديرة أعماله، عبر خاصية “الستوري” بموقع “انستجرام”، وعلقت “حسبي الله ونعم الوكيل فيكي يا هالة”.
وفي ستوري أخرى قالت بسمة بوسيل “احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك”.
تامر حسني يوضح علاقتة بـ مديرة أعماله
وشارك تامر حسني فيديو عبر حسابه بـ “إنستجرام”، من زفاف مديرة أعماله هالة وكتب “لكل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر، ومن كتر دفاعها عني لفتت نظري ومرة رديت عليها شكرتها.
وتابع: لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة”.
وأضاف تامر حسني: وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها”.
واختتم تامر حسني: ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها”.
